'നായികയായി വരുമ്പോള്‍ ആളുകള്‍ക്ക് അംഗീകരിക്കാന്‍ ബുദ്ധിമുട്ടുണ്ട്'; പ്രായം കൂടുമ്പോള്‍ അതനുസരിച്ചുള്ള കാരക്ടേഴ്‌സ് ചെയ്യണ്ടേയെന്ന് അനിഖ
ചൈല്‍ഡ് ആര്‍ടിസ്റ്റായി കണ്ടതുകൊണ്ട് ആളുകള്‍ക്ക് നായികയായി സിനിമ വരുമ്പോള്‍ അംഗീകരിക്കാന്‍ ബുദ്ധിമുട്ടുണ്ടെന്ന് നടി അനിഖ സുരേന്ദ്രന്‍. ട്രെയ്‌ലര്‍ റിലീസ് ചെയ്തപ്പോള്‍ റിയാക്ഷന്‍ കമന്റുകള്‍ കണ്ടപ്പോള്‍ അത് മനസിലായി, അനിഖ ആദ്യമായി നായികയാകുന്ന ഓ മൈ ഡാര്‍ലിംഗ് എന്ന ചിത്രത്തിന്റെ പ്രചാരണവുമായി ബന്ധപ്പെട്ട് ദ ക്യു സ്റ്റുഡിയോയ്ക്ക് നല്‍കിയ അഭിമുഖത്തിലായിരുന്നു താരത്തിന്റെ പ്രതികരണം.
അത് സ്വാഭാവികമായി വരുന്ന മാറ്റമാണ്, കാണുന്നവര്‍ക്ക് ഒരുപക്ഷെ സര്‍പ്രൈസിങ് ആയിരിക്കാം പക്ഷെ എന്റെ വളര്‍ച്ചക്ക് ഒഴിച്ചുകൂടാന്‍ പറ്റാത്ത മാറ്റമാണ്. ചൈല്‍ഡ് ആര്‍ടിസ്റ്റായി വന്നതാണെങ്കിലും എന്റെ പ്രായം കൂടുമ്പോള്‍ അതനുസരിച്ചുള്ള കാരക്ടേഴ്‌സ് അല്ലേ ചെയ്യാന്‍ പറ്റുകയുള്ളൂയെന്നും അനിഖ പറഞ്ഞു.
ആല്‍ഫ്രഡ് ഡി സാമുവലാണ് ചിത്രം സംവിധാനം ചെയ്യുന്നത്. ആഷ് ട്രീ വെഞ്ച്വേഴ്സിന്റെ ബാനറില്‍ മനോജ് ശ്രീകണ്ഠയാണ് ചിത്രം നിര്‍മിക്കുന്നത്. ജിനീഷ് കെ ജോയ് ആണ് ചിത്രത്തിന്റെ തിരക്കഥയൊരുക്കിയിരിക്കുന്നത്.
മെല്‍വിന്‍ ജി ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവന്‍, ശ്രീകാന്ത് മുരളി, നന്ദു, ഡെയ്ന്‍ ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. അന്‍സാര്‍ ഷായാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. ലിജോ പോള്‍ എഡിറ്റിംഗും എം വിജീഷ് പിള്ള ക്രിയേറ്റീവ് ഡയറക്ടയറും ആണ്.
ചീഫ് അസോസിയേറ്റ്- അജിത് വേലായുധന്‍, മ്യൂസിക്- ഷാന്‍ റഹ്മാന്‍, പ്രൊഡക്ഷന്‍ കണ്ട്രോളര്- ഷിബു ജി സുശീലന്‍, ആര്‍ട്ട്- അനീഷ് ഗോപാല്‍, കോസ്റ്റ്യൂം- സമീറ സനീഷ്, മേക്കപ്പ്- റോണി വെള്ളത്തൂവല്‍, എക്‌സിക്യൂട്ടീവ് പ്രൊഡ്യൂസര്‍- വിനോദ് എസ്, ഫിനാന്‍ഷ്യല്‍ കണ്ട്രോളര്- പ്രസി കൃഷ്ണ പ്രേം പ്രസാദ്, വരികള്‍- ബി. ഹരിനാരായണന്‍, ലിന്‍ഡ ക്വറോ, വിനായക് ശശികുമാര്‍, പിആര്‍ഒ- ആതിര ദില്‍ജിത്, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, ഡിസൈന്‍ കണ്‍സള്‍ട്ടന്റ്‌സ്- പോപ്‌കോണ്‍, പോസ്റ്റര്‍ ഡിസൈന്‍- യെല്ലോ ടൂത്ത്‌സ്, സ്റ്റില്‍സ്- ബിജിത് ധര്‍മ്മടം, എന്നിവരാണ് മറ്റ് അണിയറപ്രവര്‍ത്തകര്‍.
