മമ്മൂട്ടി-അഖില് അക്കിനേനി ചിത്രം 'ഏജന്റ്' ; പാന് ഇന്ത്യന് റിലീസ്
തെന്നിന്തന്യന് താരം അഖില് അക്കിനേനി കേന്ദ്ര കഥാപാത്രമായ ഏജന്റ് പാന് ഇന്ത്യന് റിലീസിന് ഒരുങ്ങുന്നു. സുരേന്ദര് റെഡ്ഡി സംവിധാനം ചെയ്യുന്ന ചിത്രത്തില് നടന് മമ്മൂട്ടിയും പ്രധാന കഥാപാത്രമായി എത്തുന്നു. ചിത്രം തെലുങ്ക്, ഹിന്ദി, തമിഴ്, കന്നഡ, മലയാളം ഭാഷകളിലാണ് റിലീസ് ചെയ്യുന്നത്. ജൂലൈ 15ന് ചിത്രത്തിന്റെ ടീസര് പുറത്തിറങ്ങുമെന്ന് അണിയറപ്രവര്ത്തകര് അറിയിച്ചു.
വമ്പന് ബഡ്ജറ്റില് ഒരുങ്ങുന്ന ഏജന്റ് ഒരു ആക്ഷന് ത്രില്ലറാണ്. നിലവില് ചിത്രീകരണത്തിന്റെ അവസാനഘട്ടത്തിലാണ് ഏജന്റ്. നവാഗതയായ സാക്ഷി വൈദ്യയാണ് അഖിലിന്റെ നായികയായി എത്തുന്നത്. വക്കന്തം വംശിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. എകെ എന്റര്ടൈന്മെന്റ്സിന്റെയും സുരേന്ദര് 2 സിനിമയുടെയും ബാനറില് രാമബ്രഹ്മം സുങ്കരയാണ് നിര്മ്മാണം.
റസൂല് എല്ലൂര് ഛായാഗ്രാഹകന്. ദേശീയ അവാര്ഡ് ജേതാവ് നവീന് നൂലി എഡിറ്റിംഗും അവിനാഷ് കൊല്ല കലാസംവിധാനവും നിര്വ്വഹിക്കുന്നു. അജയ് സുങ്കര, പതി ദീപ റെഡ്ഡി എന്നിവരാണ് ചിത്രത്തിന്റെ സഹ നിര്മ്മാതാക്കള്. സംഗീത സംവിധാനം: ഹിപ് ഹോപ് തമിഴ. പിആര്ഒ: ശബരി.