ഷറഫുദീന്,ഡിനോയ് പൗലോസ്, നസ്ലിന്, ഗ്രേസ് ആന്റണി, രഞ്ജിത മേനോന് തുടങ്ങിയവരെ പ്രധാന കഥാപാത്രങ്ങളാക്കി നവാഗതനായ അഫ്സൽ അബ്ദുല് ലത്തീഫ് സംവിധാനം ചെയ്യുന്ന ' പത്രോസിന്റെ പടപ്പുകള് 'എന്ന പുതിയ ചിത്രത്തിന്റെ ടൈറ്റില് പോസ്റ്റര്, മമ്മൂട്ടി പൃഥ്വിരാജ് സുകുമാരന് എന്നിവര് ചേര്ന്ന് പുറത്തിറക്കി. വലിയ ഇടവേളക്ക് ശേഷം മരിക്കാര് എന്റര്ടൈയ്ന്മെന്റ്സ് നിര്മ്മിക്കുന്ന ചിത്രവുമാണ്.
സുരേഷ് കൃഷ്ണ , ജോണി ആന്റണി, ജെയിംസ് ഏലിയാ, ഷമ്മി തിലകന് തുടങ്ങിയവരാണ് മറ്റു പ്രമുഖ താരങ്ങള്.ഒപ്പം,നിരവധി പുതുമുഖങ്ങളും ഈ ചിത്രത്തില് അരങ്ങേറ്റം കുറിക്കുന്നു.
തണ്ണീര്മത്തന് ദിനങ്ങള് എന്ന ഹിറ്റ് ചിത്രത്തിന് ശേഷം ഡിനോയ് പൗലോസ് തിരക്കഥ എഴുതുന്ന ഈ ചിത്രത്തിന്റെ ഛായാഗ്രഹണം ജയേഷ് മോഹന് നിര്വ്വഹിക്കുന്നു. സംഗീതം-ജേക്സ് ബിജോയ്. വൈപ്പിന്, എറണാകുളം പശ്ചാത്തലത്തില് കഥ പറയുന്ന ചിത്രത്തിന്റെ ഷൂട്ടിങ് ഉടന് ആരംഭിക്കുന്നു.
പ്രൊഡക്ഷന് കണ്ട്രോളര്-ജാവേദ് ചെമ്പ്,കല-ആഷിക്. എസ്,വസ്ത്രലങ്കാരം- ശരണ്യ ജീബു,എഡിറ്റര്- സംഗീത് പ്രതാപ്,മേക്കപ്പ്- സിനൂപ് രാജ്,ചീഫ് അസോസിയേറ്റ് ഡയറക്ടര്-കണ്ണന് എസ് ഉള്ളൂര്,സ്റ്റില്-സിബി ചീരന് ,സൗണ്ട് മിക്സ് - വിഷ്ണു സുജാതന്, പരസ്യക്കല-യെല്ലോ ടൂത്ത്,പ്രൊഡക്ഷന് മാനേജര്-സുഹൈല് വരട്ടിപ്പള്ളിയാല്. വാര്ത്ത പ്രചരണം-എ എസ് ദിനേശ്.
