മമ്മൂട്ടി ചിത്രം വണ് ഏപ്രില് 27 മുതല് നെറ്റ്ഫ്ളിക്സില് കാണാം. കടക്കല് ചന്ദ്രന് എന്ന മുഖ്യമന്ത്രിയായി മമ്മൂട്ടിയെത്തുന്ന സിനിമ സന്തോഷ് വിശ്വനാഥാണ് സംവിധാനം ചെയ്തിരിക്കുന്നത്. ബോബി-സഞ്ജയ് ആണ് തിരക്കഥ. ഇച്ചായീസ് പ്രൊഡക്ഷന്സിന്റെ ബാനറില് ശ്രീലക്ഷ്മിയാണ് നിര്മ്മാണം.
ജനങ്ങള്ക്ക് ഉപകാരപ്പെടാത്ത ജനപ്രതിനിധികളെ തിരിച്ചുവിളിക്കാനുള്ള ബില് നിയമസഭയില് അവതരിപ്പിക്കാന് ശ്രമിക്കുന്ന മുഖ്യമന്ത്രി നേരിടുന്ന പ്രതിബന്ധങ്ങളാണ് സിനിമയുടെ പ്രമേയം. രണ്ട് മണിക്കൂര് 29 മിനുട്ടാണ് ദൈര്ഘ്യം.ജോജു ജോര്ജ്, നിമിഷ സജയന്, മുരളി ഗോപി തുടങ്ങി വന് താരനിര ചിത്രത്തിലുണ്ടായിരുന്നു.
മധു, അലന്സിയര്, ബിനു പപ്പു, രഞ്ജിത് ബാലകൃഷ്ണന്, ബാലചന്ദ്രമേനോന്, സിദ്ദീഖ്, സുരേഷ് കൃഷ്ണ, സലിംകുമാര്, തോമസ് മാത്യു എന്നിവരും ചിത്രത്തിലുണ്ട്.
കടക്കല് ചന്ദ്രന് എന്ന കഥാപാത്രത്തിന് മറ്റൊരു രാഷ്ട്രീയനേതാവുമായും സാമ്യമുണ്ടാകരുതെന്ന് മമ്മൂട്ടിക്ക് നിര്ബന്ധമുണ്ടായിരുന്നുവെന്നും, കഥാപാത്രത്തിന്റെ ലുക്ക് കണ്ടെത്തിയത് മമ്മൂട്ടിയായിരുന്നുവെന്നും സംവിധായകന് സന്തോഷ് വിശ്വനാഥ് പറഞ്ഞിരുന്നു.
