വാട്സ് ആപ്പ് ഡാര്ക്ക് മോഡ് റെഡി, 2020 തുടക്കത്തില്
ലോകമെമ്പാടുമുള്ള വാട്ട്സ്ആപ്പ് ഉപയോക്താക്കള് ഡാര്ക്ക് തീം സവിശേഷത അവരുടെ പ്ലാറ്റ്ഫോമിലേക്ക് വരുന്നതിനായി കാത്തിരിക്കുകയാണ്. ചില അനിശ്ചിതത്വങ്ങള് ഇപ്പോഴും നിലനില്ക്കുന്നുണ്ടെങ്കിലും പ്രതീക്ഷ വീണ്ടും സജീവമായിരിക്കുന്നു.
പുതിയ റിപ്പോര്ട്ടുകള് സൂചിപ്പിക്കുന്നത്, വാട്ട്സ്ആപ്പിന്റെ ദീര്ഘകാലമായി കാത്തിരുന്ന ഡാര്ക്ക് മോഡ് ഒടുവില് റിലീസിന് തയ്യാറായതായും അതിന്റെ ചില ഉപയോക്താക്കള് ഇതിനകം ഇത് പരീക്ഷിച്ച് കഴിഞ്ഞതായും പറയുന്നു. ഫെയ്സ്ബുക്കിന്റെ ഉടമസ്ഥതയിലുള്ള വാട്സ് അപ്പ് മാസങ്ങളായി ഡാര്ക്ക് തീമിന്റെ പേരില് വാര്ത്തകളില് നിറഞ്ഞിരിക്കുകയാണ്. ഇതുവരെ ഒരു റിലീസ് തീയതി പ്രഖ്യാപിച്ചിട്ടില്ല. എന്നാല് ആപ്ലിക്കേഷന്റെ ബീറ്റ പതിപ്പിനൊപ്പം സംഭവവികാസങ്ങളെ സൂക്ഷ്മമായി നിരീക്ഷിച്ചുകൊണ്ടിരിക്കുന്ന ടിപ്പ്സ്റ്റര് വാബെറ്റ ഇന്ഫോ എന്ന സ്ഥാപനം, ഡാര്ക്ക് തീം അപ്ഡേറ്റ് ഒടുവില് വാട്സ് ആപ്പിന്റെ ആന്ഡ്രോയ്ഡ് പതിപ്പിനായി തയ്യാറാണെന്ന് സൂചിപ്പിക്കുന്നു.
കൂടാതെ, ഐ ഒ എസ് ഡാര്ക്ക് തീം റിലീസിനായി ഏകദേശം സജ്ജമായതായും അറിയുന്നു. എന്നിരുന്നാലും, 2020 ജനുവരിക്ക് മുമ്പ് വാട്സ്ആപ്പ് ഉപയോക്താക്കള്ക്കായി ഈ ഫീച്ചര് പുറത്തിറക്കില്ലെന്ന് തോന്നുന്നു, മാത്രമല്ല ഇനി വരുന്ന ഫീച്ചര് ആളുകള്ക്ക് പ്രതീക്ഷിക്കാന് പുതിയ എന്തെങ്കിലും കൂടി ഉള്പ്പെടുത്തിയായിരിക്കും ഇറങ്ങുകയെന്നും ഉറപ്പാക്കുന്നു.
ഇതിനുപുറമെ, ഐ ഒ എസ് ഉപയോക്താക്കള്ക്കായി വാട്ട്സ്ആപ്പ് ഒരു പുതിയ ബീറ്റ അപ്ഡേറ്റും പരീക്ഷിക്കുന്നു, അത് മറച്ചുവെച്ച സൈലന്റ് സ്റ്റാറ്റസ് അപ്ഡേറ്റ്, സ്പ്ലാഷ് സ്ക്രീന്, അപ്ലിക്കേഷന് ബാഡ്ജ് മെച്ചപ്പെടുത്തലുകള് എന്നിവ പോലുള്ള സവിശേഷതകള് കൊണ്ടുവരും.
വാട്ട്സ്ആപ്പിന്റെ പുതിയ സ്പ്ലാഷ് സ്ക്രീന് ഉപയോക്താക്കളെ അവരുടെ ഐഫോണുകളില് അപ്ലിക്കേഷന് തുറക്കുമ്പോഴെല്ലാം വാട്ട്സ്ആപ്പ് ലോഗോ കാണാന് അനുവദിക്കും. ഇത് ആന്ഡ്രോയ്ഡ് ബീറ്റ അപ്ലിക്കേഷനിലും ലഭ്യമാണ്. കഴിഞ്ഞ ആഴ്ച, വാട്ട്സ്ആപ്പ് ഒരു പുതിയ സ്വകാര്യത ക്രമീകരണം ചേര്ത്തിരുന്നു.ഇത് ഒരു ഗ്രൂപ്പില് ചേരണോ വേണ്ടയോ എന്ന് തീരുമാനിക്കാന് ഉപയോക്താക്കളെ അനുവദിക്കുന്നതാണ്.