യുഎഇയില് പെട്രോള് ഡീസല് വിലയില് വർദ്ധനവ്. സെപ്റ്റംബറിനെ അപേക്ഷിച്ച് പെട്രോള് വില ലിറ്ററിന് 2 മുതല് 3 ഫില്സ് വരെയാണ് വർദ്ധിച്ചത്.
സൂപ്പർ 98 പെട്രോള് ലിറ്ററിന് 3.44 ദിർഹമാണ് വില. സെപ്റ്റംബറില് ഇത് 3.42 ആയിരുന്നു. സ്പെഷല് 95 പെട്രോള് ലിറ്ററിന് 3.33 ദിർഹമാണ് വില. സെപ്റ്റംബറില് ഇത് 3.31 ആയിരുന്നു. ഇ പ്ലസ് 91 പെട്രോള് ലിറ്ററിന് 3.26 ദിർഹമാണ് വില. സെപ്റ്റംബറില് ഇത് 3.23 ആയിരുന്നു. ഡീസല് വിലയിലും വർദ്ധനവുണ്ട്. സെപ്റ്റംബറില് ലിറ്ററിന് 3.40 ഫില്സായിരുന്ന ഡീസല് വില ഒക്ടോബറില് 3.57 ഫില്സായി.
യുഎഇയില് ഈ വർഷത്തെ ഏറ്റവും ഉയർന്ന നിരക്കാണ് ഇത്. ആഗോള വിപണിയിലെ ഇന്ധനവില വർദ്ധനവാണ് യുഎഇ വിപണിയിലും പ്രതിഫലിക്കുന്നത്.