ഇന്ത്യയും യുഎഇയും തമ്മില്‍ ഒപ്പുവച്ച സമഗ്രസാമ്പത്തിക പങ്കാളിത്ത കരാർ സ്വർണവിപണിയ്ക്ക് നേട്ടമായെന്ന് വിലയിരുത്തി ഓൾ ഇന്ത്യ ജെം ആൻഡ് ജ്വല്ലറി ഡൊമസ്റ്റിക് കൗൺസിൽ സംഘടിപ്പിച്ച സെമിനാർ. ദുബായ് ഹയാത്ത് റീജന്‍സിയില്‍ സംഘടിപ്പിച്ച ഏകദിന സെമിനാറില്‍ ഇന്ത്യയിലുടനീളമുള്ള 100-ലധികം ജ്വല്ലറികളും യുഎഇയിൽ നിന്നുള്ള പ്രമുഖ ഇറക്കുമതിക്കാരും പങ്കെടുത്തു.
യുഎഇയിലേയ്ക്ക് 10 ബില്യൻ യുഎസ് ഡോളറിലധികം വാർഷിക കയറ്റുമതി നേടുന്നതിന് ഉഭയകക്ഷി കരാർ ഇന്ത്യയുടെ രത്ന, ആഭരണ മേഖലയെ ലക്ഷ്യമിടുന്നു. കൂടാതെ യുഎഇയിൽ നിന്ന് 120 ടൺ വരെ സ്വർണം ഒരു ശതമാനം തീരുവയിൽ ഇറക്കുമതി ചെയ്യാൻ ഇന്ത്യക്ക് അനുമതിയുമുണ്ട്.
കുറഞ്ഞ തീരുവയിൽ രത്നങ്ങളുടെയും ആഭരണങ്ങളുടെയും കയറ്റുമതി വർധിപ്പിക്കുന്നതിനായാണ് 2022 മാർച്ചിൽ യുഎഇയുമായി ഇന്ത്യ സെപ കരാറിൽ ഒപ്പുവെച്ചത്. കരാർ പ്രകാരം ഇന്ത്യയിൽ നിന്ന് യുഎഇയിലേക്കുള്ള ആഭരണ കയറ്റുമതിയുടെ ഇറക്കുമതി തീരുവ 5 ശതമാനത്തിൽ നിന്ന് 'പൂജ്യം' ആയി കുറച്ചു. ഇതുപ്രകാരം ഭാവിയില്‍ വിപണിയുടെ നേട്ടങ്ങളും മുന്നോട്ടുളള സാധ്യതകളും സെമിനാറില്‍ ചർച്ചയായി.
ജിജെസി നെക്സ്റ്റ് ജെൻ കൺവീനർ ശ്രീ നിലേഷ് ശോഭവത് സ്വാഗത പ്രസംഗവും സെമിനാർ ഉദ്ഘാടനം ചെയ്തു. അന്താരാഷ്‌ട്ര ധനസഹായം, മാറുന്ന സുരക്ഷ, ബിസിനസ്സ് ലാൻഡ്‌സ്‌കേപ്പ്, യുഎഇയിൽ ബിസിനസുകൾ എങ്ങനെ സജ്ജീകരിക്കാം തുടങ്ങിയ വിഷയങ്ങളിൽ പ്രത്യേക സെഷനുകൾ സമർപ്പിച്ചു.യുഎഇയിലെ കുറഞ്ഞ ഇറക്കുമതി തീരുവ പോലുള്ള ഘടകങ്ങളാൽ നയിക്കപ്പെടുന്ന സംയുക്ത വളർച്ചയുടെ പരിധിയിലാണ് ഇന്ത്യൻ ആഭരണ വ്യവസായം നിൽക്കുന്നതെന്ന് ഓൾ ഇന്ത്യ ജെം ആൻഡ് ജ്വല്ലറി ഡൊമസ്റ്റിക് കൗൺസിൽ ചെയർമാൻ സായം മെഹ്‌റ പറഞ്ഞു.യുഎഇ വഴിയുള്ള രത്നങ്ങളുടെയും ആഭരണങ്ങളുടെയും കയറ്റുമതിയിലൂടെയുള്ള ബിസിനസ് വിപുലീകരണത്തിന്‍റെസാധ്യതകൾ ജവഹറ ജ്വല്ലറി ദുബായ് സിഇഒ തൗഹിദ് അബ്ദല്ല വിശദീകരിച്ചു.
യുഎഇ യിലേക്ക് 10 ബില്യൺ യുഎസ് ഡോളറിലധികം വാർഷിക കയറ്റുമതി നേടുന്നതിന് ഉഭയകക്ഷി കരാർ ഇന്ത്യയുടെ രത്ന, ആഭരണ മേഖലയെ ലക്ഷ്യമിടുന്നു. കൂടാതെ, യുഎഇയിൽ നിന്ന് 120 ടൺ വരെ സ്വർണം ഒരു ശതമാനം ഇറക്കുമതി തീരുവയിൽ ഇറക്കുമതി ചെയ്യാൻ ഇന്ത്യക്ക് അനുമതിയുണ്ട്. യുഎഇയിൽ നിന്നുള്ള ഇന്ത്യയുടെ സ്വർണ ഇറക്കുമതി അഞ്ച് വർഷത്തിനുള്ളിൽ 200 ടണ്ണിലെത്തുമെന്നാണ് പ്രതീക്ഷിക്കുന്നത്.
