നാട്ടികയിലെ ഇടതുമുന്നണി സ്ഥാനാര്‍ത്ഥി മരിച്ചതായി ബിജെപി മുഖപത്രം ജന്മഭൂമിയില്‍ വാര്‍ത്ത. സിപിഐ സ്ഥാനാര്‍ത്ഥി സി.സി മുകുന്ദന്‍ മരണപ്പെട്ടതായാണ് ജന്മഭൂമിയുടെ ചരമകോളത്തില്‍ വാര്‍ത്ത വന്നത്. ഫോട്ടോ സഹിതമായിരുന്നു വാര്‍ത്ത.
പ്രതിഷേധത്തിന് പിന്നാലെ ജന്മഭൂമിയുടെ ഇ എഡിഷന്‍ പിന്‍വലിച്ചു. പത്രത്തിന്റെ തൃശൂര്‍ എഡിഷനിലാണ് വാര്‍ത്ത വന്നിരുന്നത്. ജന്മഭൂമിക്കെതിരെ നിയമനടപടി സ്വീകരിക്കുമെന്ന് സിപിഐ. അന്ധമായ രാഷ്ട്രീയ വൈരാഗ്യം ഒരു മാധ്യമത്തെ എത്രമാത്രം അധ:പതിപ്പിക്കും എന്നതിന്റെ ഉദാഹരണമായി ജന്മഭൂമിയും സംഘപരിവാര്‍ മാധ്യമങ്ങളും ഈ നാട്ടില്‍ ഏറെക്കാലമായി നിലനിക്കുകയാണെന്നാണ് നാട്ടിക സി.പി.ഐ ലോക്കല്‍ കമ്മിറ്റി പ്രസ്താവനയില്‍ വ്യക്തമാക്കി.
സിപിഐ സിറ്റിങ് സീറ്റിലാണ് സി.സി മുകുന്ദന്‍ മത്സരിക്കുന്നത്. 2016 ല്‍ 26,777 വോട്ടുകള്‍ക്ക് ഗീത ഗോപിയാണ് നാട്ടികയില്‍ ജയിച്ചത്.
