‘ധര്‍മ്മശാസ്താവേ, അങ്ങ് തന്നെ ശ്രദ്ധിച്ചേക്കണേ’ ; നവോത്ഥാനം എന്നാല്‍ സ്ത്രീകളെ മല കയറ്റുന്നതല്ലെന്ന് യു.പ്രതിഭ എംഎല്‍എ 

‘ധര്‍മ്മശാസ്താവേ, അങ്ങ് തന്നെ ശ്രദ്ധിച്ചേക്കണേ’ ; നവോത്ഥാനം എന്നാല്‍ സ്ത്രീകളെ മല കയറ്റുന്നതല്ലെന്ന് യു.പ്രതിഭ എംഎല്‍എ 

നവോത്ഥാനം എന്നാല്‍ സ്ത്രീകളെ മല കയറ്റുന്നതല്ലെന്ന് യു. പ്രതിഭ എംഎല്‍എ. ഫെയ്‌സ്ബുക്ക് പോസ്റ്റിലൂടെയാണ് പ്രതിഭയുടെ പരാമര്‍ശം. മാധ്യമങ്ങള്‍ക്കുനേരെ വിമര്‍ശനവുമായാണ് കുറിപ്പ്. കുറച്ചുകൂടെ ക്ഷമിച്ചുകൂടേ മാധ്യമങ്ങളേ, അന്നും ഇന്നും എന്നും പറയുന്നു, നവോത്ഥാനം എന്നാല്‍ സ്ത്രീകളെ മല കയറ്റുന്നതല്ല. ഇങ്ങനെയായിരുന്നു പ്രതിഭയുടെ വാക്കുകള്‍. ആക്ഷേപങ്ങളെ ചെറുക്കാന്‍ പഴയ ഇരുണ്ട കാലത്തേക്ക് നടക്കേണ്ടവരല്ല സ്ത്രീകളെന്ന് പറയാനാണ് വനിതാ മതില്‍ തീര്‍ത്തത്.

‘ധര്‍മ്മശാസ്താവേ, അങ്ങ് തന്നെ ശ്രദ്ധിച്ചേക്കണേ’ ; നവോത്ഥാനം എന്നാല്‍ സ്ത്രീകളെ മല കയറ്റുന്നതല്ലെന്ന് യു.പ്രതിഭ എംഎല്‍എ 
ഇത്തവണ യുവതികളെ തടയുന്നത് വനിതാ പൊലീസ്; നിലയ്ക്കലിന് അപ്പുറത്തേക്ക് യുവതികള്‍ക്ക് ‘നിരോധനാജ്ഞ’

ഈ നാടിനെ വിശ്വാസങ്ങളുടെ തീയില്‍ വെന്തു വെണ്ണീറാക്കാന്‍ ആഗ്രഹിച്ചവര്‍ക്ക് സിപിഎം കൊടുത്ത വ്യക്തമായ മറുപടി ആയിരുന്നു അത്. ആര്‍എ എസ്എസ്സുകാരും പകല്‍ കോണ്‍ഗ്രസും രാത്രി ആര്‍എസ്എസ്സുമായി ആയി കഴിയുന്നവരും സിപിഎമ്മിനെതിരെയും വനിതാ മതിലിനെതിരെയും വ്യാപകമായ കള്ളപ്രചരണങ്ങള്‍ അഴിച്ചുവിട്ടെങ്കിലും ഫലം കണ്ടില്ല. ഇപ്പോള്‍ സി പി എം ആണ് സ്റ്റേ വെച്ചത് എന്ന മട്ടിലാണ് പ്രചരണമെന്നും പ്രതിഭ പറയുന്നു.പത്ത് വോട്ടിന് വേണ്ടിും, ഒരു നേരത്തെ വാര്‍ത്തക്കുവേണ്ടിയും ഈ നാട് നശിപ്പിക്കാന്‍ നോക്കുന്നവരെ അങ്ങ് തന്നെ ഒന്ന് ശ്രദ്ധിച്ചേക്കണേ ശബരിമല ധര്‍മ്മശാസ്താവേയെന്ന പരാമര്‍ശത്തോടെയാണ് കുറിപ്പ് അവസാനിപ്പിക്കുന്നത്.

‘ധര്‍മ്മശാസ്താവേ, അങ്ങ് തന്നെ ശ്രദ്ധിച്ചേക്കണേ’ ; നവോത്ഥാനം എന്നാല്‍ സ്ത്രീകളെ മല കയറ്റുന്നതല്ലെന്ന് യു.പ്രതിഭ എംഎല്‍എ 
തൂണില്‍ കെട്ടി തല്ലിച്ചതച്ചു, വെള്ളം ചോദിച്ചപ്പോള്‍ മൂത്രം കുടിപ്പിച്ചു, സവര്‍ണരുടെ ക്രൂരമര്‍ദ്ദനത്തിനിരയായ ദളിത് യുവാവ് മരിച്ചു  

പോസ്റ്റിന്റെ പൂര്‍ണരൂപം

കുറച്ച് കൂടെ ക്ഷമിച്ചു കൂടെ മാധ്യമങ്ങളെ .. അന്നും ഇന്നും എന്നും പറയുന്നു നവോത്ഥാനം എന്നാല്‍ സ്ത്രീകളെ മല കയറ്റുന്നതല്ല.. എന്നാല്‍ പുരോഗമന സമൂഹത്തില്‍ സ്ത്രീകള്‍ക്ക് നേരെ നടന്ന ആക്ഷേപങ്ങളെ ചെറുക്കാന്‍ പഴയ ഇരുണ്ട കാലത്തേക്ക് നടക്കേണ്ടവരല്ല സ്ത്രീകള്‍ എന്ന് പറയാന്‍ ഞങ്ങള്‍ വനിതാ മതില്‍ തീര്‍ത്തു. ഈ നാടിനെ വിശ്വാസങ്ങളുടെ തീയില്‍ വെന്തു വെണ്ണീറാക്കാന്‍ ആഗ്രഹിച്ചവര്‍ക്ക് എന്റെ പാര്‍ട്ടി കൊടുത്ത വ്യക്തമായ മറുപടി ആയിരുന്നു വനിതാ മതില്‍. RSS കാരും പകല്‍ കോണ്‍ഗ്രസും രാത്രി RSS കാരും ആയി കഴിയുന്ന ചിലര്‍ CPIM ന് എതിരെ വനിതാ മതിലിനെതിരെ വ്യാപകമായ കള്ളപ്രചരണങ്ങള്‍ അഴിച്ചു വിട്ടു. ഒന്നും ഫലം കണ്ടില്ല. ഇപ്പോ സി പി ഐ എം ആണ് സ്റ്റേ വെച്ചത് എന്ന മട്ടില്‍ തുടങ്ങി പ്രചരണം..

ഇനി സുപ്രീം കോടതി വിധിയും കൊണ്ട് മല കയറാന്‍ ആരെങ്കിലും വന്നാല്‍ നിങ്ങള്‍ എന്തിനാണ് ക്യാമറയുമായി അവരുടെ പിന്നാലെ പോകുന്നത്. എന്തിനാണ് നമ്മുടെ നാട് കത്തിക്കാന്‍ കൂട്ട് നില്‍ക്കുന്നത്. ഭൂപരിഷ്‌ക്കരണം അട്ടിമറിക്കാന്‍ കൂട്ടുനിന്നവരൊക്കെ ഇന്ന് ഇന്ത്യയിലെ നമ്പര്‍ 1 ഗവണ്‍മെന്റ് ആയ കേരളത്തിലെ ഇടതുപക്ഷ ജനാധിപത്യ മുന്നണി ഗവണ്‍മെന്റിനെ തകര്‍ക്കാന്‍ അണിയറയില്‍ നടത്തുന്ന നീക്കങ്ങള്‍ തലയില്‍ അല്പമെങ്കിലും ആള്‍ താമസമുള്ളവര്‍ക്ക് മനസ്സിലാകും.. ഞങ്ങള്‍ക്കറിയാം വരുന്ന ദിവസങ്ങളില്‍ നിങ്ങളൊക്കെ സജീവമാകും. കാരണം വിശ്വാസ സമൂഹമാകുന്ന അട്ടിന്‍ കുഞ്ഞുങ്ങളുടെ ചോര കുടിയ്ക്കാനായി കഴിഞ്ഞ വര്‍ഷം ആട്ടിന്‍ തോലുമിട്ട് ആട്ടിന്‍ കുഞ്ഞുങ്ങള്‍ക്കിടയിലേക്ക് വരാന്‍ ചെന്നായ്ക്കളെ നിങ്ങള്‍ അഴിച്ചു വെച്ച ആട്ടിന്‍ തോല്‍ കുപ്പായം പൊടി തട്ടിയെടുക്കുന്ന ദുര്‍ഗന്ധം അത് അറിയാന്‍ തുടങ്ങിയിട്ടുണ്ട്..

ശബരിമല ധര്‍മ്മശാസ്താവേ ... 10 വോട്ടിന് വേണ്ടി ഒരു നേരത്തെ വാര്‍ത്തക്കുവേണ്ടി ഈ നാട് നശിപ്പിക്കാന്‍ നോക്കുന്നവരെ അങ്ങ് തന്നെ ഒന്ന് ശ്രദ്ധിച്ചേക്കണേ.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

logo
The Cue
www.thecue.in