പുതുപ്പള്ളി നിയമസഭാ മണ്ഡലത്തിലേക്കുള്ള ഉപതെരഞ്ഞെടുപ്പിൽ മികച്ച പോളിംഗ്. പ്രതീക്ഷ കൈവിടാതെയാണ് ഇരു മുന്നണികളും. സംസ്ഥാനത്ത് നിലനിൽക്കുന്ന രാഷ്ട്രീയ സാഹചര്യത്തിന്റെ പ്രതിഫലനമായിരിക്കും തെരഞ്ഞെടുപ്പിലുണ്ടാകുകയെന്ന് യുഡിഎഫ് സ്ഥാനാർത്ഥി ചാണ്ടി ഉമ്മൻ. 182 ബൂത്തുകളിലും പുതുപ്പള്ളിയുടെ വികസനത്തെക്കുറിച്ചാണ് എൽഡിഎഫ് സംസാരിച്ചതെന്ന് എൽഡിഎഫ് സ്ഥാനാർത്ഥി ജെയ്ക് സി തോമസ്.
സർക്കാരിനെതിരായ വിധിയെഴുത്താകുമെന്ന് പ്രതിപക്ഷ നേതാവ്
സര്ക്കാരിനെതിരായ കേരള സമൂഹത്തിന്റെ പൊതുവികാരം കൂടി ഉള്ക്കൊണ്ടുള്ളതാകും പുതുപ്പള്ളിക്കാരുടെ വിധിയെഴുത്തെന്ന് പ്രതിപക്ഷ നേതാവ് വി.ഡി.സതീശൻ. രാഷ്ട്രീയ പരിഗണനകള്ക്കും ജാതി മത ചിന്തകള്ക്കും അതീതമായി യു.ഡി.എഫ് സ്ഥാനാര്ത്ഥി ചാണ്ടി ഉമ്മന് അനുകൂലമായ വലിയൊരു പ്രതികരണം ജനങ്ങളുടെ ഭാഗത്ത് നിന്നുണ്ടാകുമെന്ന പൂര്ണമായ വിശ്വാസമുണ്ട്. എല്ലാവിഭാഗം ജനങ്ങള്ക്കിടയില് നിന്നും വന്പിന്തുണയാണ് ലഭിച്ചത്. യു.ഡി.എഫ് ഒരു ടീമായി ആത്മാര്ത്ഥമായി പ്രവര്ത്തിക്കുന്നു. സ്വപ്നതുല്യമായ ഒരു വിജയലക്ഷ്യം ഞങ്ങള്ക്കുണ്ടെന്നും വി.ഡി.സതീശൻ. . മാസപ്പടി അടക്കമുള്ള ആറ് അഴിമതി ആരോപണങ്ങള് ഉന്നയിച്ചു. മുഖ്യമന്ത്രിയോട് ഏഴ് ചോദ്യങ്ങള്ക്ക് മറുപടി ചോദിച്ചു. മഹാമൗനത്തിന്റെ മാളത്തില് ഭീരുവിനെ പോലെ ഒളിക്കുകയായിരുന്നു മുഖ്യമന്ത്രി.
53 വര്ഷം പുതുപ്പള്ളിയെ പ്രതിനിധാനം ചെയ്ത ഉമ്മന് ചാണ്ടി ഒരു വികാരമാണ്. മലയാളികളുടെ മനസില് അദ്ദേഹം ഒരു വിങ്ങലായി നില്ക്കുന്നു. എതിരാളികള് വിചാരിച്ചാല് അത് മായ്ച്ച് കളയാന് കഴിയില്ല. ഉമ്മന് ചാണ്ടിയോട് ജനങ്ങള്ക്കുള്ള സ്നേഹവും അടുപ്പവും തെരഞ്ഞെടുപ്പില് പ്രതിഫലിക്കും. അതോടൊപ്പം സര്ക്കാരിനെതിരായ കടുത്ത ജനവികാരം കൂടി ചേരുന്നതാകും പുതുപ്പള്ളിയുടെ വിധിയെഴുത്ത്.
ഈ വോട്ടെടുപ്പ് പുതിയ പുതുപ്പള്ളിയെ സൃഷ്ടിക്കും. യുഡിഎഫ് സ്ഥാനാര്ത്ഥിയെ വികസനത്തെക്കുറിച്ചുള്ള സ്നേഹ സംവാദത്തിനാണ് താന് ക്ഷണിച്ചത്. എന്നാല് യുഡിഎഫ് സംവാദത്തില് നിന്ന് ഒളിച്ചോടുകയായിരുന്നു.
ജെയ്ക് സി തോമസ്
നല്ല വിജയമുണ്ടാകുമെന്ന് എം.വി ഗോവിന്ദൻ
പുതുപ്പള്ളി ഉപതെരഞ്ഞെടുപ്പിലെ മികച്ച പോളിംഗ് ഇടതുപക്ഷത്തിന് പ്രതീക്ഷ നല്കുന്നതെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന് മാസ്റ്റര്. നല്ല രീതിയിൽ പ്രചരണം നടത്തിയെന്നും നല്ല വിജയം ഉണ്ടാകുമെന്ന ആത്മവിശ്വാസമുണ്ടെന്നും ഗോവിന്ദന് മാസ്റ്റര് പറഞ്ഞു.
ആവേശ തിമിർപ്പോടെ ജനം വോട്ട് ചെയ്യുന്നു. ഈസി വാക്ക് ഓവർ ആകുമെന്നാണ് കോൺഗ്രസ് കരുതിയതെന്നും അവര്ക്ക് തെറ്റിയെന്നും എം.വി ഗോവിന്ദൻ.
വളരെ പോസിറ്റീവായ പ്രതികരണമാണ് വോട്ടര്മാരില്നിന്ന് ലഭിക്കുന്നത്. ജനാധിപത്യപ്രക്രിയയില് പങ്കെടുക്കാനുള്ള ജനങ്ങളുടെ താത്പര്യം ജനാധിപത്യവിശ്വാസികള്ക്ക് ആഹ്ലാദം നല്കുന്നതാണ്. ഞങ്ങള്ക്ക് ആഹ്ലാദമാണ്, മറ്റാര്ക്കൊക്കെ ഉണ്ട്, ഇല്ല എന്നറിയില്ല. സംസ്ഥാനത്ത് നിലനില്ക്കുന്ന രാഷ്ട്രീയ സാഹചര്യത്തിന്റെ പ്രതിഫലനം എല്ലാ ഉപതിരഞ്ഞെടുപ്പിലും ഉണ്ടാവും. അത് ഈ തിരഞ്ഞെടുപ്പിലുമുണ്ട്.
ചാണ്ടി ഉമ്മൻ
