സംസ്ഥാനത്തെ അവശ്യവസ്തുക്കളുടെ വിലക്കയറ്റം നിയന്ത്രിക്കാന് സര്ക്കാര് നടപടികള് ആരംഭിച്ചു. സവാള, തക്കാളി, ഉരുളക്കിഴങ്ങ് മുതലായ ഉല്പ്പന്നങ്ങള് മഹാരാഷ്ട്രയിലെയും തമിഴ്നാട്ടിലെയും കര്ഷകരില് നിന്നും കാര്ഷികോല്പ്പന്നങ്ങള് കൈകാര്യം ചെയ്യുന്ന സംഘടനകളില് നിന്നും നേരിട്ട് സംഭരിക്കും. ഇതിന്റെ ഭാഗമായി മഹാരാഷ്ട്ര, തമിഴ്നാട് മുഖ്യമന്ത്രിമാര്ക്ക് മുഖ്യമന്ത്രി പിണറായി വിജയന് കത്തയച്ചു.
കേരള ഏജന്സികളായ സപ്ലൈകോ, ഹോര്ട്ടികോര്പ്പ്, കണ്സ്യൂമര്ഫെഡ് എന്നവ വഴി കര്ഷകരില്നിന്ന് ഉല്പന്നങ്ങള് സംഭരിക്കുന്നതിന് സൗകര്യം ഉണ്ടാക്കണമെന്നാണ് കത്തിലെ ആവശ്യം.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കര്ഷകര്ക്ക് അവരുടെ ഉല്പ്പന്നങ്ങള്ക്ക് നല്ല വില ലഭിക്കാന് നേരിട്ടുള്ള സംഭരണം ഉപകരിക്കുമെന്ന് മുഖ്യമന്ത്രി കത്തില് ചൂണ്ടിക്കാട്ടി. അവശ്യസാധനങ്ങളുടെ വില വര്ധിച്ചു കൊണ്ടിരിക്കുന്ന സാഹചര്യത്തില് വിപണി നിയന്ത്രിക്കുന്നതിന് നേരിട്ടുള്ള സംഭരണം ആവശ്യമാണെന്നും മുഖ്യമന്ത്രി വ്യക്തമാക്കി.