കുണ്ടറ പീഡന കേസില് പരാതി ഒത്തുതീര്പ്പാക്കാന് ശ്രമിച്ചെന്ന ആരോപണത്തില് മന്ത്രി എ.കെ.ശശീന്ദ്രന് പൊലീസിന്റെ ക്ലീന്ചിറ്റ്. മന്ത്രിക്കെതിരെ കേസെടുക്കാനാകില്ലെന്നാണ് പൊലീസ് റിപ്പോര്ട്ട്. പീഡന പരാതി പിന്വലിക്കണമെന്ന് മന്ത്രി ആവശ്യപ്പെട്ടിട്ടില്ലെന്നും, വിഷയം നല്ല രീതിയില് പരിഹരിക്കണം എന്ന് മാത്രമാണ് മന്ത്രി പറഞ്ഞതെന്നും റിപ്പോര്ട്ടില് പറയുന്നു.
യൂത്ത് ലീഗ് നേതാവായ സഹല് മന്ത്രിക്കെതിരെ കേസെടുക്കണമെന്ന് ആവശ്യപ്പെട്ട് നല്കിയ പരാതിയിലാണ് പൊലീസ് റിപ്പോര്ട്ട്. ഇരയുടെ പേരോ, ഇരയ്ക്കെതിരായ പരാമര്ശമോ മന്ത്രിയുടെ സംഭാഷണത്തിലില്ല. മന്ത്രി പരാതി പിന്വലിക്കാന് ആവശ്യപ്പെടാതിരുന്ന സാഹചര്യത്തില് കേസെടുക്കാന് ആകില്ല, ഇതുമായി ബന്ധപ്പെട്ട നിയമോപദേശം തേടിയെന്നും റിപ്പോര്ട്ടിലുണ്ട്.
