ആരോഗ്യ കേരളം പദ്ധയില് സരിത എസ്.നായരുടെ ഒത്താശയോടെ നാല് പേര്ക്ക് ജോലിവാങ്ങി നല്കിയെന്ന് അവകാശപ്പെടുന്ന ശബ്ദരേഖ പുറത്ത്. രാഷ്ട്രീയക്കാരും ഉദ്യോഗസ്ഥരുമാണ് നിയമനത്തിന് സഹായിക്കുന്നതെന്നും, ജോലി കിട്ടുന്നവരും കുടുംബങ്ങളും പാര്ട്ടിക്കുവേണ്ടി നില്ക്കുമെന്നാണ് ധാരണയെന്നും സരിതയുടേതെന്ന് കരുതുന്ന ശബ്ദരേഖയില് പറയുന്നുണ്ട്.
സരിത ഉള്പ്പെട്ട തൊഴില് തട്ടിപ്പ് കേസിലെ പരാതിക്കാരനായ അരുണുമായുള്ള സംഭാഷണമാണ് പുറത്തുവന്നിരിക്കുന്നത്. ബെവ്കോ, കെടിഡിസി എന്നീ പൊതുമേഖലാ സ്ഥാപനങ്ങളില് ജോലി വാഗ്ദാനം ചെയ്ത് ഇടനിലക്കാര് മുഖേന സരിത 16 ലക്ഷത്തിലധികം രൂപ വാങ്ങിയെന്നാണ് പരാതി. ഉദ്യോഗസ്ഥര്ക്കുള്പ്പടെ ഇടപാടുമായി ബന്ധമുണ്ടെന്നും ആരോപണമുണ്ടായിരുന്നു.
