മുംബൈയിലെ ലാല്ബാഗില് കെട്ടിടസമുച്ചയത്തില് തീപിടുത്തം. ആഡംബര പാര്പ്പിട സമുച്ചയത്തിന്റെ 19-ാം നിലയിലാണ് തീപിടിത്തമുണ്ടായത്. കെട്ടിടത്തില് നിന്ന് രക്ഷപ്പെടാനുള്ള ശ്രമത്തിനിടെ താഴെ വീണ് ഒരാള് മരിച്ചു. നിരവധി പേര്ക്ക് പരിക്കേറ്റിട്ടുണ്ട്.
പതിനാല് ഫയര്എന്ജിനുകള് എത്തി തീ അണക്കാനുള്ള ശ്രമം തുടരുകയാണ്. തീ നിയന്ത്രണവിധേയമാണെന്ന് ഫയര്ഫോഴ്സ് ഉദ്യോഗസ്ഥരില് ഒരാള് പ്രതികരിച്ചു. കിലോമീറ്ററുകളോളം കാണാവുന്ന രീതിയില് കറുത്ത പുക അന്തരീക്ഷത്തിലേക്ക് ഉയര്ന്നുകൊണ്ടിരിക്കുകയാണ്.
തീപിടിത്തമുണ്ടായ കെട്ടിടത്തിന്റെ പത്തൊന്പതാം നിലയില് നിന്ന് രക്ഷപ്പെടാന് ശ്രമിക്കുന്നതിനിടെ ഒരാള് താഴേക്ക് വീഴുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. മുപ്പതുകാരനായ അരുണ് തിവാരിയാണ് താഴെ വീണ് മരിച്ചത്.
