ഉന്നത ചിന്തയെന്ന് പറയും പോലെ ഉന്നതത്തില്‍ പോകാനായിരിക്കാം സുരേന്ദ്രന് ഹെലികോപ്റ്ററെന്ന് പി.പി.മുകുന്ദന്റെ പരിഹാസം

ഉന്നത ചിന്തയെന്ന് പറയും പോലെ ഉന്നതത്തില്‍ പോകാനായിരിക്കാം സുരേന്ദ്രന് ഹെലികോപ്റ്ററെന്ന് പി.പി.മുകുന്ദന്റെ പരിഹാസം
പി. പി മുകുന്ദൻ
Summary

കെ സുരേന്ദ്രന്റെ ഹെലികോപ്റ്റർ യാത്രയെ പരിഹസിച്ച് പി. പി മുകുന്ദൻ

കോന്നിയിലും മഞ്ചേശ്വരത്തും മത്സരിക്കുന്ന ബിജെപി അധ്യക്ഷന്‍ കെ.സുരേന്ദ്രന്‍ പ്രചരണത്തിന് ഹെലികോപ്ടര്‍ ഉപയോഗിക്കുന്നതിനെ പരിഹസിച്ച് ബിജെപിയിലെ മുതിര്‍ന്ന നേതാവ് പി.പി.മുകുന്ദന്‍. ഉന്നത ചിന്ത വേണമെന്ന് പറയും പോലെ ഉന്നതത്തില്‍ പോകാനായിരിക്കാം സുരേന്ദ്രന്‍ ഹെലികോപ്റ്റര്‍ ഉപയോഗിക്കുന്നതെന്ന് പി.പി.മുകുന്ദന്‍.

സൗകര്യങ്ങള്‍ കൂടുന്ന സമയത്ത് നേതാക്കള്‍ വന്ന വഴി മറക്കരുതെന്നും പി പി മുകുന്ദന്‍. കെ.സുരേന്ദ്രന്‍ നടത്തിയ വിജയ യാത്ര വീടിന്റെ തൊട്ടടുത്ത് വന്നിട്ടും തന്നോടൊരു വാക്ക് പറഞ്ഞില്ല. പ്രവര്‍ത്തകരുടെ ശാപം ഏല്‍ക്കേണ്ടി വരുന്ന പാര്‍ട്ടിയായി ബിജെപി മാറരുതെന്നും പി.പി.മുകുന്ദന്റെ മുന്നറിയിപ്പ്.

പി. പി മുകുന്ദൻ
ഊരിപ്പിടിച്ച വാളിന് നടുവിലൂടെ നടന്നുനീങ്ങിയല്ല പൊതുപ്രവര്‍ത്തകനാകേണ്ടതെന്ന് ഫിറോസ് കുന്നംപറമ്പില്‍, ജനപ്രതിനിധിയാകാന്‍ യോഗ്യതയുണ്ട്

ആര്‍.എസ്.എസ് സൈദ്ധാന്തികന്‍ ബാലശങ്കറിന്റെ വാദം ഗൗരവമേറിയതാണെന്നും പി.പി.മുകുന്ദന്‍. സിപിഐഎം ബിജെപി ധാരണയെന്ന ആരോപണത്തില്‍ ആഭ്യന്തര അന്വേഷണം വേണമെന്നും മുകുന്ദന്‍. ബാലശങ്കര്‍ വെറുതെ ആരോപണം ഉന്നയിക്കുന്ന ആളല്ല. ഏഷ്യാനെറ്റ് ന്യൂസ് ചാനലിലാണ് പ്രതികരണം. ഇരിട്ടിയില്‍ ബിജെപി വിജയയാത്ര വന്നപ്പോള്‍ ക്ഷണിക്കുകയോ അറിയിക്കുകയോ ചെയ്തിട്ടില്ല. ദീര്‍ഘകാലം സംഘടനാ സെക്രട്ടറിയായിരുന്ന ആളാണ് താന്‍.

നേമത്തെക്കുറിച്ച് ഒ.രാജഗോപാല്‍ പറഞ്ഞത് തമാശയായി കണ്ടാല്‍ മതിയെന്ന് പി.പി.മുകുന്ദന്‍. കേരളത്തിലെ ബിജെപി അടിമുടി മാറേണ്ടതുണ്ടെന്നും മുകുന്ദന്‍.