ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന്റെ മകളെ ഫേസ്ബുക്കില് അധിക്ഷേപിച്ച സംഭവത്തില് പൊലീസ് കേസെടുത്തു. ഖത്തറില് ജോലി ചെയ്യുന്ന അജിനാസിനെതിരെയാണ് കേസ്. കോഴിക്കോട് മേപ്പയ്യൂര് പൊലീസാണ് കേസെടുത്തത്.
കഴിഞ്ഞ ദിവസം മകള്ക്കൊപ്പമുള്ള ചിത്രം കെ.സുരേന്ദ്രന് ഫേസ്ബുക്കിലിട്ടിരുന്നു. ഇതിന് കീഴില് അധിക്ഷേപിക്കുന്ന കമന്റുകളിട്ടത് പ്രതിഷേധത്തിന് ഇടയാക്കിയിരുന്നു. അശ്ലീല കമന്റിട്ട അജിനാസിന്റെ വീട്ടിലേക്ക് ബി.ജെ.പി പ്രവര്ത്തകര് മാര്ച്ച് നടത്തിയിരുന്നു.
അജിനാസിനെതിരെ നടപടി വേണമെന്നാവശ്യപ്പെട്ട് ഖത്തര് ആഭ്യന്തര മന്ത്രാലയത്തിന്റെ ഫേസ്ബുക്ക് പേജിലും ബി.ജെ.പി പ്രവര്ത്തകര് കമന്റിടുന്നുണ്ട്. അധിക്ഷേപിച്ചവരെ കൈകാര്യം ചെയ്യാന് ബി.ജെ.പിക്ക് അറിയാമെന്ന് സംസ്ഥാന വക്താവ് സന്ദീപ് വാര്യര് ഫേസ്ബുക്ക് പോസ്റ്റിലൂടെ വ്യക്തമാക്കിയിരുന്നു.
