മുന് ഓസ്ട്രേലിയന് ക്രിക്കറ്റ് താരം ആന്ഡ്രൂ സൈമണ്ട്സ് (46) അന്തരിച്ചു. ശനിയാഴ്ച രാത്രി ടൗണ്സ്വില്ലയിലെ വീടിന് സമീപത്ത് വെച്ചുണ്ടായ കാര് അപകടത്തിലായിരുന്നു മരണം. ഓസ്ട്രേലിയന് ക്രിക്കറ്റ് കണ്ട ഏറ്റവും മികച്ച ഓള്റൗണ്ടര്മാരില് ഒരാളായിരുന്നു സൈമണ്ട്സ്. രാത്രി 11 മണിക്ക് ശേഷം ഹെര്വി റേഞ്ച് റോഡില് കാര് ഓടിക്കുന്നതിനിടയില് ആലീസ് റിവര് ബ്രിഡ്ജിന് സമീപം കാര് മറിയുകയായിരുന്നു എന്നാണ് പ്രാഥമിക വിവരം. ഗുരുതരമായി പരിക്കേറ്റ സൈമണ്ട്സിനെ രക്ഷപ്പെടുത്താന് എമര്ജന്സി സര്വീസുകള് ശ്രമിച്ചെങ്കിലും രക്ഷിക്കാനായില്ല.
ഓസ്ട്രേലിയയ്ക്കായി 198 ഏകദിനങ്ങള് കളിച്ച സൈമണ്ട്സ് 2003ലും 2007ലും തുടര്ച്ചയായി ലോകകപ്പുകള് നേടിയ ഓസ്ട്രേലിയന് ടീമിലെ പ്രധാന അംഗമായിരുന്നു. രണ്ട് ലോകകപ്പിലും ഒരു മത്സരത്തില് പോലും സൈമണ്ട്സ് മാറി നിന്നിരുന്നില്ല. 198 ഏകദിനങ്ങളില് നിന്നായി 5088 റണ്സും 133 വിക്കറ്റുകളും കരസ്ഥമാക്കിയിട്ടുണ്ട്. 26 ടെസ്റ്റുകളില് നിന്നായി 1462 റണ്സും 24 വിക്കറ്റുകളും നേടി. 14 അന്തരാഷ്ട്ര ട്വന്റി-20 മത്സരങ്ങള് കളിച്ച സൈമണ്ട്സ് 337 റണ്സും എട്ടു വിക്കറ്റുകളും കരസ്ഥമാക്കിയിട്ടുണ്ട്.
എതിരാളികള് പേടിച്ചിരുന്ന അപകടകാരിയായ വലംകൈയ്യന് ബാറ്റ്സമാനായ അദ്ദേഹം 26 ടെസ്റ്റുകളും കളിച്ചു. ഇംഗ്ലണ്ടിനും ഇന്ത്യക്കുമെതിരെ സെഞ്ച്വറി നേടി. ക്രിക്കറ്റിലെ ഏറ്റവും മികച്ച ഫീല്ഡര്മാരില് ഒരാളായിരുന്നു സൈമണ്ട്സ്. മിന്നുന്ന റിഫ്ലക്ഷനും കൃത്യതയാര്ന്ന ലക്ഷ്യബോധവും ഏകദിന ക്രിക്കറ്റില് ഏറ്റവും കൂടുതല് റണ്ണൗട്ടുകള് നേടുന്ന അഞ്ചാമത്തെ ഫീല്ഡ്സ്മാന് എന്ന നേട്ടത്തിലേക്കും അദ്ദേഹത്തെ എത്തിച്ചു.