news n views

കൊടും ക്രൂരത വീണ്ടും ; കൊച്ചിയില്‍ അര്‍ധരാത്രി വീട്ടില്‍ക്കയറി യുവാവ് പ്ലസ്ടു വിദ്യാര്‍ത്ഥിനിയെ തീക്കൊളുത്തി കൊന്നു 

എറണാകുളത്ത് അര്‍ധരാത്രി വീട്ടില്‍ അതിക്രമിച്ച് കയറി യുവാവ് 17 കാരിയെ തീക്കൊളുത്തി കൊന്നു. പെട്രോളൊഴിച്ച് കത്തിച്ച യുവാവും പൊള്ളലേറ്റ് മരിച്ചു. പ്ലസ്ടു വിദ്യാര്‍ത്ഥിയായ ദേവികയും നോര്‍ത്ത് പറവൂര്‍ സ്വദേശി മിഥുനുമാണ് മരിച്ചത്. കാക്കനാട് അത്താണി പദ്മാലയത്തില്‍ ഷാലന്‍ മോളി ദമ്പതിമാരുടെ മകളാണ് ദേവിക. പ്രണയാഭ്യര്‍ത്ഥന നിരസിച്ചതാണ് കൊലപാതക കാരണമെന്നാണ് പൊലീസിന്റെ പ്രാഥമിക നിഗമനം.

Also Read: ‘മദ്യപിച്ചിരുന്നില്ല, കാറോടിച്ചത് ഞാനല്ല’; ന്യായീകരണമാവര്‍ത്തിച്ച് ശ്രീറാം; സസ്‌പെന്‍ഷന്‍ വീണ്ടും നീട്ടി

ബുധനാഴ്ച രാത്രി 12.15 ഓടെയായിരുന്നു നടുക്കുന്ന സംഭവം. ബൈക്കില്‍ അത്താണി സലഫി ജുമാ മസ്ജിദിന് സമീപത്തെ ദേവികയുടെ വീട്ടിലെത്തിയ യുവാവ് കതകില്‍ മുട്ടിവിളിക്കുകയായിരുന്നു. വാതില്‍ തുറന്ന ഷാലനോട് മകളെ കാണണമെന്ന് ആവശ്യപ്പെട്ടു. ഉറക്കമുണര്‍ന്നെത്തിയ ദേവികയുടെ ശരീരത്തിലേക്ക് ഇയാള്‍ പൊടുന്നനെ പെട്രോള്‍ ഒഴിച്ച് തീക്കൊളുത്തുകയായിരുന്നു.

Also Read: ‘എന്തുകൊണ്ട് ചിദംബരം ഇപ്പോഴും ജയിലില്‍?’; മോഡി സര്‍ക്കാര്‍ ഇഡിയും സിബിഐയും പ്രതിപക്ഷത്തിനെതിരെ ഉപയോഗിക്കുന്നെന്ന് പവാര്‍

ഇതോടെ യുവാവിന്റെ ശരീരത്തിലേക്കും തീയാളി. അയണയ്ക്കാന്‍ ശ്രമിച്ച ഷാലനും പൊള്ളലേറ്റു. നാട്ടുകാര്‍ അറിയിച്ചതിനെ തുടര്‍ന്നെത്തിയ പൊലീസാണ് ഇരുവരെയും ആശുപത്രിയില്‍ എത്തിച്ചത്. ആശുപത്രിയില്‍ വെച്ചായിരുന്നു ഇരുവരുടെയും മരണം.