എന്റെ തമിഴ് മോശമായിരുന്നു എന്ന് ധനുഷ് സാർ, ഓഡിഷനിൽ നിന്നും പുറത്തായി; ഐശ്വര്യ ലക്ഷ്മി

എന്റെ തമിഴ് മോശമായിരുന്നു എന്ന് ധനുഷ് സാർ, ഓഡിഷനിൽ നിന്നും പുറത്തായി; ഐശ്വര്യ ലക്ഷ്മി

കാർത്തിക സുബ്ബരാജ്- ധനുഷ് ടീമിൽ ഒരുങ്ങുന്ന ജഗമേ തന്തിരത്തിന്റെ ഭാഗമുന്നതിന്റെ ത്രില്ലിൽ ആണ് നടി ഐശ്വര്യ ലക്ഷ്മി. സിനിമ ജൂൺ പതിനെട്ടിന് നെറ്റ്ഫ്ലിക്സിലാണ് റിലീസ് ചെയ്യുന്നത്. വരത്തനില്‍ അഭിനയിക്കുമ്പോഴാണ് ജഗമേ തന്തിരത്തിന്റെ സ്‌ക്രീന്‍ ടെസ്റ്റ് നടക്കുന്നതെന്നും സിനിമയിൽ സെലക്ട് ചെയ്യപ്പെടുമെന്ന് തീരെ പ്രതീക്ഷിച്ചില്ലെന്നും ഐശ്വര്യ ലക്ഷ്മി കേരളകൗമുദിക്ക് നല്‍കിയ അഭിമുഖത്തില്‍  പറഞ്ഞു. ധനുഷ് നായകനായ ഒരു സിനിമയുടെ ഓഡിഷന് 2018ല്‍ വിളിച്ചിരുന്നു. എന്നാല്‍ അതില്‍ തന്നെ സെലക്ട് ചെയ്തില്ലായിരുന്നു. ജഗമേ തന്തിരത്തിന്റെ ലൊക്കേഷനില്‍ ധനുഷിനോട് ഞാനിത് ഓര്‍മ്മിപ്പിച്ചിരുന്നു. അന്ന് ഓഡിഷന് വന്നപ്പോള്‍ എന്റെ തമിഴ് നല്ല മോശമായിരുന്നെന്ന് അദ്ദേഹം പറഞ്ഞു. ഇപ്പോള്‍ അതെല്ലാം ഒരുപാട് മെച്ചപ്പെട്ടിട്ടുണ്ടെന്നും പറഞ്ഞിരുന്നു.

എന്റെ തമിഴ് മോശമായിരുന്നു എന്ന് ധനുഷ് സാർ, ഓഡിഷനിൽ നിന്നും പുറത്തായി; ഐശ്വര്യ ലക്ഷ്മി
ധനുഷിന്റെ സുരുളിക്കൊപ്പം തിളങ്ങി ജോജുവും ഐശ്വര്യ ലക്ഷ്മിയും; ജഗമേ തന്തിരം ട്രെയ്ലർ

ഐശ്വര്യ ലക്ഷ്മി അഭിമുഖത്തിൽ പറഞ്ഞത്

സ്‌ക്രീന്‍ ടെസ്റ്റ് കഴിഞ്ഞ ശേഷം അന്ന് കാര്‍ത്തിക് സാര്‍ പറഞ്ഞത് അടുത്തത് മറ്റൊരു പ്രോജക്ടാണെന്നും അത് കഴിഞ്ഞ് ഇത് തുടങ്ങുമ്പോള്‍ ഐശ്വര്യയെ അറിയിക്കാമെന്നായിരുന്നു. ഞാന്‍ വിചാരിച്ചു എന്റെ സ്‌ക്രീന്‍ ടെസ്റ്റ് സാറിന് ഇഷ്ടപെടാത്തതുകൊണ്ട് ഒഴിവാക്കാന്‍ ഒരു കാരണം പറയുകയാണെന്നാണ്.

അതിനു ശേഷം കാര്‍ത്തിക് സാര്‍ പേട്ട ചെയ്തു. അതും കഴിഞ്ഞു ഒരു വര്‍ഷം കഴിഞ്ഞപ്പോഴാണ് കാര്‍ത്തിക് സാര്‍ വിളിച്ച് ജഗമേ തന്തിരത്തിന്റെ ഷൂട്ട് തുടങ്ങുന്നതിനെക്കുറിച്ച് പറഞ്ഞത്. അത് കേട്ടപ്പോള്‍ സൂപ്പര്‍ എക്സ്സൈറ്റഡായി. ലണ്ടനിലായിരുന്നു ഷൂട്ട്. വളരെ നല്ലൊരു കഥയാണ്. നല്ല പാട്ടുകളുണ്ട്. ഇപ്പോഴത്തെ സാഹചര്യത്തില്‍ കാണേണ്ട സിനിമയാണ് അത്.

ധനുഷ് സാര്‍ സംവിധാനം ചെയ്യുന്ന ഒരു സിനിമയുടെ ഓഡിഷന് 2018ല്‍ വിളിച്ചിരുന്നു. എന്നാല്‍ അതില്‍ തന്നെ സെലക്ട് ചെയ്തില്ലായിരുന്നു .ജഗമേ തന്തിരത്തിന്റെ ലൊക്കേഷനില്‍ ധനുഷ് സാറിനോട് ഞാനിത് ഓര്‍മ്മിപ്പിച്ചിരുന്നു. സാറിനും അത് നല്ല ഓര്‍മ്മയുണ്ടായിരുന്നു. അന്ന് നീ ഓഡിഷന്‍ വന്നപ്പോള്‍ നിന്റെ തമിഴ് നല്ല മോശമായിരുന്നെന്ന് സാര്‍ പറഞ്ഞു. ഇപ്പോള്‍ അതെല്ലാം ഒരുപാട് മെച്ചപ്പെട്ടിട്ടുണ്ടെന്നും പറഞ്ഞിരുന്നു.

ധനുഷ് സാര്‍ അധികമൊന്നും സംസാരിക്കാത്തൊരാളാണ്. വളരെ സപ്പോര്‍ട്ടീവാണ്. ലണ്ടനില്‍ ഞാന്‍ ആദ്യമായി പോവുന്നതു കൊണ്ടും എല്ലാം പുതിയ ടീമും ആയതുകൊണ്ടും ചെറിയൊരു ടെന്‍ഷനുണ്ടായിരുന്നു. എന്തെങ്കിലും ബുദ്ധിമുട്ട് ഉണ്ടെങ്കില്‍ അറിയിക്കണമെന്നും പേടിക്കാനൊന്നുമില്ലെന്നും പറഞ്ഞ് ധനുഷ് സര്‍ സപ്പോര്‍ട്ട് ചെയ്തിരുന്നു. എനിക്കൊരു സഹോദരനെപോലെയാണ് ഫീല്‍ ചെയ്തത്. നല്ല നടനെന്നതിലുപരി നല്ലൊരു മനുഷ്യനുമാണ് അദ്ദേഹം.

Related Stories

No stories found.
The Cue
www.thecue.in