ദുൽഖറിനൊപ്പം അഭിനയിക്കുന്നോ?,പോലീസ് ത്രില്ലർ ജനുവരിയിൽ

ദുൽഖറിനൊപ്പം അഭിനയിക്കുന്നോ?,പോലീസ് ത്രില്ലർ ജനുവരിയിൽ

ദുല്‍ഖര്‍ സല്‍മാന്‍ പൊലീസ് വേഷത്തിലെത്തുന്ന ത്രില്ലർ ചിത്രം ജനുവരിയിൽ ഷൂട്ടിങ് ആരംഭിക്കാനിരിക്കെ ചിത്രത്തിലേയ്ക്ക് അഭിനേതാക്കളെ തേടുകയാണ് സംവിധായകൻ റോഷൻ ആൻഡ്രൂസ്. 15നും 70നും ഇടയിൽ പ്രായമുളള സ്ത്രീയ്ക്കും പുരുഷനും അപേക്ഷകൾ അയക്കാം. ഈ മാസം 26 വരെയാണ് സമയം. ഓഡിഷനിലൂടെ തിരഞ്ഞെടുക്കപ്പെടുന്നവർ ഡിസംബർ 1 മുതൽ 10 വരെ നടക്കുന്ന ആക്ടിങ് ക്യാമ്പിൽ പങ്കെടുക്കേണ്ടതാണെന്നും കാസ്റ്റിങ് കോളിൽ പറയുന്നു.

Welcome all !!

Posted by Rosshan Andrrews on Wednesday, November 11, 2020

ജനുവരി-ഫെബ്രുവരി മാസങ്ങളിലാണ് ചിത്രീകരണം നടക്കുക. ബോബി- സഞ്ജയ് ആണ് തിരക്കഥ. കരിയറിൽ ആദ്യമായാണ് ദുല്‍ഖർ പൊലീസ് യൂണിഫോമിൽ എത്തുന്നത്. വെയ്ഫറർ ഫിലിംസിന്റെ ബാനറിൽ ദുൽഖർ തന്നെയാണ് ചിത്രം നിർമ്മിക്കുന്നത്. 'കണ്ണും കണ്ണും കൊള്ളൈയടിത്താൽ' എന്ന സിനിമയ്ക്ക് തമിഴിൽ വീണ്ടും നായകനാകുന്ന 'ഹേയ് സിനാമിക'യുടെ ലൊക്കേഷനിലാണ് ഇപ്പോൾ ദുൽഖർ സൽമാൻ. കൊറിയോഗ്രാഫർ ബൃന്ദ സംവിധാനം ചെയ്യുന്ന ചിത്രത്തിൽ കാജൽ അഗർവാളും, അദിതി റാവു ഹൈദരിയുമാണ് നായികമാർ.

ദുൽഖറിനൊപ്പം അഭിനയിക്കുന്നോ?,പോലീസ് ത്രില്ലർ ജനുവരിയിൽ
ദുൽഖർ വീണ്ടും ലൊക്കേഷനിലേയ്ക്ക്, 'ഹേയ് സിനാമിക' രണ്ടാം ഘട്ട ചിത്രീകരണത്തിന് തുടക്കം

ഉണ്ണി ആര്‍ രചന നിര്‍വഹിച്ച് മഞ്ജു വാര്യര്‍ കേന്ദ്രകഥാപാത്രമായെത്തിയ പ്രതി പൂവന്‍ കോഴിയാണ് റോഷന്‍ ആന്‍ഡ്രൂസ് ഒടുവില്‍ സംവിധാനം ചെയ്ത സിനിമ. നിവിന്‍ പോളി നായകനായും മോഹന്‍ലാല്‍ അതിഥിതാരമായും എത്തിയ കായംകുളം കൊച്ചുണ്ണി എന്ന ബിഗ് ബജറ്റ് ചിത്രവും റോഷന്‍ ഒരുക്കിയിരുന്നു.

Related Stories

The Cue
www.thecue.in