ബിജു മേനോന്‍-പാര്‍വതി ചിത്രവുമായി ആഷിഖ് അബുവും മൂണ്‍ ഷോട്ടും, സാനു ജോണ്‍ വര്‍ഗീസിന്റെ ആദ്യസംവിധാനം

ബിജു മേനോന്‍-പാര്‍വതി ചിത്രവുമായി ആഷിഖ് അബുവും മൂണ്‍ ഷോട്ടും, സാനു ജോണ്‍ വര്‍ഗീസിന്റെ ആദ്യസംവിധാനം
Summary

Sanu John Varghese's directorial debut in Malayalam, biju menon parvathy thiruvoth lead

ബോളിവുഡിലും മലയാളത്തിലും ക്യാമറ ചലിപ്പിച്ച സാനു ജോണ്‍ വര്‍ഗീസ് സംവിധായകനാകുന്ന സിനിമയില്‍ ബിജു മേനോനും പാര്‍വതി തിരുവോത്തും കേന്ദ്രകഥാപാത്രങ്ങള്‍. ആഷിഖ് അബുവിന്റെ ഒപിഎം ഡ്രീം മില്ലും, സന്തോഷ് കുരുവിളയുടെ മൂണ്‍ ഷോട്ട് എന്റര്‍ടെയിന്‍മെന്റുമാണ് നിര്‍മ്മാണം. ഹലാല്‍ ലവ് സ്‌റ്റോറിക്ക് ശേഷം ആഷിഖ് അബു നിര്‍മ്മാണ പങ്കാളിയാവുന്ന ചിത്രവുമാണ്. കോട്ടയത്താണ് ചിത്രീകരണം.

ജി ശ്രീനിവാസ റെഡ്ഡി ക്യാമറയും മഹേഷ് നാരായണന്‍ എഡിറ്റിംഗും. യാക്‌സണ്‍ ഗാരി പെരേര- നേഹാ നായര്‍ ടീമാണ് സംഗീത സംവിധാനം. സംവിധായകന്‍ രതീഷ് പൊതുവാള്‍ പ്രൊജക്ട് ഡിസൈനര്‍. ജ്യോതിഷ് ശങ്കറാണ് കലാസംവിധാനം. ബെന്നി കട്ടപ്പനയാണ് പ്രൊഡക്ഷന്‍ കണ്‍ട്രോളര്‍.

ബിജു മേനോന്‍-പാര്‍വതി ചിത്രവുമായി ആഷിഖ് അബുവും മൂണ്‍ ഷോട്ടും, സാനു ജോണ്‍ വര്‍ഗീസിന്റെ ആദ്യസംവിധാനം
ഹലാല്‍ ലവ് സ്റ്റോറിക്ക് സ്റ്റാനിസ്‌ളാവിസ്‌കിയെ ഉപേക്ഷിക്കേണ്ടിവന്നതെവിടെ?

അയ്യപ്പനും കോശിയിലെ അയ്യപ്പനു ശേഷം ബിജു മേനോന്റെ മറ്റൊരു കരുത്തനായ കഥാപാത്രമായിരിയ്ക്കും ഈ ചിത്രത്തിലേതെന്ന് സഹനിര്‍മ്മാതാവ് സന്തോഷ് ടി. കുരുവിള പറയുന്നു.

കമല്‍ഹാസന്‍ സംവിധാനം ചെയ്ത വിശ്വരൂപം, ബിജോയ് നമ്പ്യാരുടെ വസീര്‍, മഹേഷ് നാരായണന്റെ ടേക്ക് ഓഫ്, മാലിക്, ബോളിവുഡില്‍ ഏറെ ചര്‍ച്ചയായ ബദായി ഹോ എന്നീ സിനിമകളുടെ ഛായാഗ്രാഹകനായിരുന്നു സാനു ജോണ്‍ വര്‍ഗീസ്. അടുത്ത വര്‍ഷം തിയറ്റര്‍ റിലീസിനാണ് നിര്‍മ്മാതാക്കള്‍ ആലോചിക്കുന്നത്.

ബിജു മേനോന്‍-പാര്‍വതി ചിത്രവുമായി ആഷിഖ് അബുവും മൂണ്‍ ഷോട്ടും, സാനു ജോണ്‍ വര്‍ഗീസിന്റെ ആദ്യസംവിധാനം
'സലാം സാഹിബേ, നമ്മുടെ സിനിമയിൽ കിടപ്പറ രംഗം നടക്കില്ല', ജമാ അത്തെ ഇസ്ലാമിയുടെ ആദ്യ സിനിമയുടെ കഥ

Related Stories

No stories found.
logo
The Cue
www.thecue.in