പാലൂട്ടുന്ന അമ്മമാര്‍ക്കും ഡോക്ടറുടെ നിര്‍ദേശ പ്രകാരം വാക്‌സിനെടുക്കാം; വാക്‌സിനേഷന്‍ അനുഭവം പങ്കുവെച്ച് ശ്രേയ ഘോഷാല്‍

പാലൂട്ടുന്ന അമ്മമാര്‍ക്കും ഡോക്ടറുടെ നിര്‍ദേശ പ്രകാരം വാക്‌സിനെടുക്കാം; വാക്‌സിനേഷന്‍ അനുഭവം പങ്കുവെച്ച് ശ്രേയ ഘോഷാല്‍

ആദ്യ ഡോസ് കൊവിഷീല്‍ഡ് വാക്‌സിന്‍ സ്വീകരിച്ച് പിന്നണി ഗായിക ശ്രേയ ഘോഷാല്‍. ഇന്‍സ്റ്റഗ്രാമിലൂടെയാണ് ശ്രേയ ഘോഷാല്‍ വാക്‌സിന്‍ സ്വീകരിച്ചുവെന്നും പാലൂട്ടുന്ന അമ്മമാരും ഡോക്ടര്‍മാരുടെ നിര്‍ദേശ പ്രകാരം വാക്‌സിന്‍ സ്വീകരിക്കണമെന്നും ആവശ്യപ്പെട്ടത്.

'' ദേവയാന്‍ സമാധാനമായി വീട്ടില്‍ ഉറങ്ങുന്ന സമയത്താണ് വാക്‌സിന്റെ ആദ്യ ഡോസ് എടുക്കാന്‍ ഞാന്‍ പോയത്. ഡോക്ടര്‍മാരുടെ നിര്‍ദേശ പ്രകാരം മുലയൂട്ടുന്ന അമ്മമാര്‍ക്കും വാക്‌സിന്‍ സ്വീകരിക്കാം. അത് പൂര്‍ണമായും സുരക്ഷിതമാണ്,'' ശ്രേയ ഘോഷാല്‍ പറഞ്ഞു.

നിരവധി ഭാഷകളില്‍ ഒട്ടേറെ ജനപ്രിയ ഗാനങ്ങള്‍ ആലപിച്ച ശ്രേയ ഘോഷാല്‍ മലയാളികള്‍ക്കും ഏറെ പ്രിയപ്പെട്ട ഗായികയാണ്.

The Cue
www.thecue.in