എല്‍ഡിഎഫിന് നൂറിലേറെ സീറ്റെന്ന് കോടിയേരി, ദൈവങ്ങള്‍ക്ക് വോട്ടുണ്ടെങ്കില്‍ എല്ലാവരുടെയും കിട്ടുമായിരുന്നു

എല്‍ഡിഎഫിന് നൂറിലേറെ സീറ്റെന്ന് കോടിയേരി, ദൈവങ്ങള്‍ക്ക് വോട്ടുണ്ടെങ്കില്‍ എല്ലാവരുടെയും കിട്ടുമായിരുന്നു

ഈ തെരഞ്ഞെടുപ്പില്‍ നൂറിലധികം സീറ്റുകള്‍ എല്‍ഡിഎഫ് നേടുമെന്ന് കോടിയേരി ബാലകൃഷ്ണന്‍. ചരിത്ര വിജയമാണ് ഇത്തവണ ലഭിക്കാന്‍ പോകുന്നത്. അനുകൂലമായി വിധിയെഴുതാത്ത ജില്ലകള്‍ പോലും അനുകൂലമാകും. ജനങ്ങള്‍ തന്നെ തെരഞ്ഞെടുപ്പ് പ്രവര്‍ത്തനങ്ങള്‍ ഏറ്റെടുത്തിരുന്നു.

ദൈവങ്ങള്‍ക്ക് വോട്ടുണ്ടായിരുന്നുവെങ്കില്‍ എല്ലാവരുടെയും വോട്ട് ഇടതുപക്ഷത്തിനായിരിക്കുമായിരുന്നു. എല്ലാ വിശ്വാസികള്‍ക്കും സംരക്ഷണമൊരുക്കിയ സര്‍ക്കാരാണ്. മുസ്ലിം, ക്രിസ്ത്യന്‍, ഹിന്ദു വിശ്വാസികള്‍ക്ക് സുരക്ഷിതത്വം ഒരുക്കിയ സര്‍ക്കാരാണ്.

ശബരിമലയില്‍ ഏറ്റവും വലിയ വികസനം നടപ്പാക്കിയത് ഈ സര്‍ക്കാരാണ്. ജമാ അത്തെ ഇസ്ലാമിക്കും ആര്‍എസ്എസിനുമെതിരെ ഉറച്ച നിലപാടുള്ള കക്ഷിയാണ് എല്‍ഡിഎഫ്. ഒരു വര്‍ഗീയ ശക്തിയുമായും എല്‍ഡിഎഫിന് സഖ്യമില്ല.

തലശേരിയില്‍ യുഡിഎഫും ബിജെപിയും തമ്മിലുള്ള ബന്ധം മറനീക്കി പുറത്തുവന്നിട്ടുണ്ട്. അവിശുദ്ധ കൂട്ടുകെട്ടിനെതിരെയാവും ഇത്തവണ വിധിയെഴുത്ത്. ഇടതുതരംഗമാണ് ഇക്കുറിയുണ്ടാവുക. നേമത്തെ പരാജയഭീതിയാണ് കുമ്മനം രാജശേഖരന്‍ ഇലക്ഷന്‍ ദിനത്തില്‍ പങ്കുവച്ചിരിക്കുന്നതെന്നും കോടിയേരി.

Summary

Kerala Assembly Election2021 kodiyeri balakrishnan on ldf

No stories found.
The Cue
www.thecue.in