‘ഇപ്പോള്‍ എല്ലാവരും കൈകോര്‍ക്കുകയാണ് വേണ്ടത്’; കെപിസിസി അദ്ധ്യക്ഷനോട് സിപിഐഎം; ‘നാട് ആഗ്രഹിക്കുന്നത് ഒരുമിച്ച് നില്‍ക്കല്‍’

‘ഇപ്പോള്‍ എല്ലാവരും കൈകോര്‍ക്കുകയാണ് വേണ്ടത്’; കെപിസിസി അദ്ധ്യക്ഷനോട് സിപിഐഎം; ‘നാട് ആഗ്രഹിക്കുന്നത് ഒരുമിച്ച് നില്‍ക്കല്‍’

പൗരത്വനിയമത്തിനെതിരെ യോജിച്ച പ്രക്ഷോഭമെന്ന ആശയത്തെ എതിര്‍ക്കുന്നവരോട് അഭ്യര്‍ത്ഥനയുമായി സിപിഐഎം. മറ്റ് പല കാര്യങ്ങളിലുമുള്ള അഭിപ്രായ വ്യത്യാസങ്ങള്‍ നിലവിലുണ്ടെങ്കിലും ഇന്നത്തെ സാഹചര്യത്തില്‍ രാജ്യത്തേയും ഭരണഘടനയേയും സംരക്ഷിക്കുന്നതിനായുള്ള അടിയന്തിര ചുമതല നിര്‍വ്വഹിക്കുന്നതില്‍ എല്ലാവരും കൈകോര്‍ക്കുകയാണ് വേണ്ടതെന്ന് സിപിഐഎം സംസ്ഥാന കമ്മിറ്റി ചൂണ്ടിക്കാട്ടി. ഈ കാഴ്ച്ചപ്പാടോടെയാണ് മുഖ്യമന്ത്രിയും പ്രതിപക്ഷനേതാവും മറ്റ് നേതാക്കളും പങ്കെടുത്ത സത്യാഗ്രഹം സംഘടിപ്പിച്ചത്. കേരളീയ സമൂഹത്തിന് മാത്രമല്ല ഇന്ത്യന്‍ ജനതയ്ക്കും ഇത് വലിയ പ്രതീക്ഷയാണ് നല്‍കിയത്. ഇതിന് സഹായകരമായ പ്രതിപക്ഷ നേതാവിന്റെ സമീപനവും മുന്‍ മുഖ്യമന്ത്രി ഉമ്മന്‍ചാണ്ടിയുടേയും മുസ്ലീംലീഗ് നേതൃത്വത്തിന്റേയും നിലപാടും ശ്രദ്ധേയവും ഇന്നത്തെ സാഹചര്യത്തില്‍ പ്രതീക്ഷ നല്‍കുന്നതുമാണ്. മുല്ലപ്പള്ളി രാമചന്ദ്രന് ഇന്ത്യയെ നിലനിര്‍ത്താനുള്ള വിശാല പോരാട്ടത്തിന് സിപിഐഎമ്മുമായി യോജിച്ച് പ്രവര്‍ത്തിക്കാന്‍ കഴിയില്ലെന്ന് പറയുന്നത് അങ്ങേയറ്റം സങ്കുചിതമാണെന്നും സിപിഐഎം പ്രസ്താവിച്ചു.

ഇന്നത്തെ സാഹചര്യത്തിന്റെ ഗൗരവം മനസ്സിലാക്കി യോജിച്ച പ്രക്ഷോഭങ്ങളില്‍ എല്ലാവരും ഇനിയും ഒരുമിച്ച് നില്‍ക്കണമെന്നു തന്നെയാണ് സിപിഐഎംന്റെ നിലപാട്. അതാണ് ഈ നാട് ആഗ്രഹിക്കുന്നതും.

സിപിഐഎം

ഇത്രയും ഗൗരവമായ സാഹചര്യത്തിലും സങ്കുചിതമായ സിപിഐഎം വിരുദ്ധ നിലപാട് മാത്രം പ്രതിഫലിക്കുന്ന അഭിപ്രായങ്ങള്‍ കെപിസിസി പ്രസിഡന്റിന്റെ നേതൃത്വത്തില്‍ ഒരു വിഭാഗം പ്രകടിപ്പിക്കുന്നത് ഖേദകരമാണെന്നും സിപിഐഎം കൂട്ടിച്ചേര്‍ത്തു.

‘ഇപ്പോള്‍ എല്ലാവരും കൈകോര്‍ക്കുകയാണ് വേണ്ടത്’; കെപിസിസി അദ്ധ്യക്ഷനോട് സിപിഐഎം; ‘നാട് ആഗ്രഹിക്കുന്നത് ഒരുമിച്ച് നില്‍ക്കല്‍’
‘ഡല്‍ഹി കലാപത്തിന് പിന്നില്‍, രാഹുലിന്റെ പ്രസംഗം പരിഭാഷപ്പെടുത്തിയ സഫ’; വിദ്വേഷ പ്രചരണവുമായി ബിജെപി സഖ്യ എംഎല്‍എ   

ഡിസംബര്‍ 16ന്റെ തുടര്‍ച്ചയായാണ് ജനുവരി 26 ന്റെ മനുഷ്യചങ്ങലയെ കാണുന്നത്. എല്‍ഡിഎഫ് മുന്‍കൈയെടുത്തിട്ടുണ്ടെങ്കിലും ഈ പ്രശ്നത്തില്‍ യോജിക്കാവുന്ന എല്ലാവര്‍ക്കും ചങ്ങലയില്‍ പങ്കെടുക്കാന്‍ കഴിയണം. ഇന്ത്യയെ രക്ഷിക്കാനും ഭരണഘടനയെ സംരക്ഷിക്കാനുമുള്ളതാണ് പൗരത്വഭേദഗതി നിയമത്തിനെതിരായ മനുഷ്യമഹാശൃംഖല. ദേശീയ പൗരത്വ ഭേദഗതി നിയമത്തിനെതിരെ അതിവിശാലമായ യോജിപ്പോടെയുള്ള ജനകീയ പ്രക്ഷോഭം ശക്തിപ്പെടുത്താന്‍ കേരളീയ സമൂഹത്തോട് സിപിഐഎം സംസ്ഥാന കമ്മിറ്റി അഭ്യര്‍ത്ഥിക്കുന്നു. വര്‍ഗ്ഗീയ ധ്രുവീകരണം നടത്താനും പ്രകോപനം സൃഷ്ടിച്ച് കലാപ അന്തരീക്ഷം രൂപപ്പെടുത്താനുമുള്ള കേന്ദ്രസര്‍ക്കാരിന്റെ ശ്രമങ്ങളെ ജാഗ്രതയോടെ കാണാനും കഴിയേണ്ടതുണ്ട്. മതപരമായ സംഘാടനത്തിലൂടെയും, മതചിഹ്നങ്ങള്‍ ഉപയോഗിച്ചും പ്രതിഷേധം സംഘടിപ്പിക്കുന്നതും വിശാലമായ ഐക്യത്തെ ദുര്‍ബലപ്പെടുത്താനും സംഘപരിവാരത്തിന്റെ ഉദ്ദേശം നടപ്പിലാക്കാനും മാത്രമേ ഉതകൂ. മതനിരപേക്ഷമായ ഉള്ളടക്കത്തോടെ വിപുലമായ ജനകീയ പ്രക്ഷോഭത്തിന്റെ ഭാഗമാവുകയാണ് വേണ്ടതെന്ന യാഥാര്‍ത്ഥ്യം എല്ലാവരും തിരിച്ചറിയണം.

‘ഇപ്പോള്‍ എല്ലാവരും കൈകോര്‍ക്കുകയാണ് വേണ്ടത്’; കെപിസിസി അദ്ധ്യക്ഷനോട് സിപിഐഎം; ‘നാട് ആഗ്രഹിക്കുന്നത് ഒരുമിച്ച് നില്‍ക്കല്‍’
കോണ്‍ഗ്രസിന്റെ രാജ്ഘട്ടിലെ പ്രതിഷേധത്തിന് അനുമതി നിഷേധിച്ചു; രാഹുലിന്റെ നേതൃത്വത്തില്‍ സമരം നാളെ

പൗരത്വനിയമത്തിനെതിരായ ജനകീയ പ്രക്ഷോഭം വിജയിപ്പിക്കുന്നതിനായി പ്രചരണ, സംഘാടന പ്രവര്‍ത്തനങ്ങള്‍ വിജയിപ്പിക്കാന്‍ സംസ്ഥാന കമ്മിറ്റി എല്ലാ ഘടകങ്ങളോടും അഭ്യര്‍ത്ഥിച്ചിട്ടുണ്ട്. എല്‍ഡിഎഫ് നേതൃത്വത്തിലുള്ള ജില്ലാ ജാഥകള്‍ വന്‍ പ്രചരണ രൂപമാക്കി മാറ്റണം. പാര്‍ട്ടി നേതൃത്വത്തില്‍ ഗൃഹസന്ദര്‍ശനവും കുടുംബയോഗങ്ങളും സംഘടിപ്പിച്ച് മുഴുവന്‍ ആളുകളിലേയ്ക്കും സന്ദേശം എത്തിക്കണം. ആധാര്‍ നടപ്പിലാക്കിയതോടെ ഇരട്ടിപ്പാണെന്ന് പറഞ്ഞ് ഒഴിവാക്കിയ ദേശീയ ജനസംഖ്യാ രജിസ്റ്റര്‍ പുതുക്കാനുള്ള കേന്ദ്രസര്‍ക്കാരിന്റെ നിര്‍ദ്ദേശം നടപ്പിലാക്കില്ലെന്ന സംസ്ഥാന സര്‍ക്കാരിന്റെ നിലപാട് ശരിയായ ദിശയിലുള്ളതാണ്. ദേശീയ പൗരത്വ രജിസ്റ്ററിന്റെ തയ്യാറെടുപ്പായാണ് ഇപ്പോള്‍ ദേശീയ ജനസംഖ്യാ രജിസ്റ്റര്‍ പുതുക്കുന്നത്. പൗരത്വ രജിസ്റ്റര്‍ സംബന്ധിച്ച എല്ലാ നടപടികളും നിര്‍ത്തിവെയ്ക്കാന്‍ കേന്ദ്രസര്‍ക്കാര്‍ തയ്യാറാകണകണമെന്നും സിപിഐഎം ആവശ്യപ്പെട്ടു.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

‘ഇപ്പോള്‍ എല്ലാവരും കൈകോര്‍ക്കുകയാണ് വേണ്ടത്’; കെപിസിസി അദ്ധ്യക്ഷനോട് സിപിഐഎം; ‘നാട് ആഗ്രഹിക്കുന്നത് ഒരുമിച്ച് നില്‍ക്കല്‍’
പൗരത്വനിയമത്തിനെതിരെ നിലപാട് : അനുരാഗ് കശ്യപിന്റെ ഫോളോവേഴ്‌സ് 5 ലക്ഷത്തില്‍ നിന്ന് 76,000 ലേക്ക് ; ട്വിറ്റര്‍ ഇന്ത്യക്കെതിരെ പ്രതിഷേധം 

Related Stories

The Cue
www.thecue.in