വയനാട് പുനരധിവാസം; ഒരു കോടി രൂപ മുഖ്യമന്ത്രിക്ക് കൈമാറി ഐഡിബിഐ ബാങ്ക്

വയനാട് പുനരധിവാസം; ഒരു കോടി രൂപ മുഖ്യമന്ത്രിക്ക് കൈമാറി ഐഡിബിഐ ബാങ്ക്
Published on: 

വയനാട് ഉരുള്‍പൊട്ടല്‍ ദുരന്തബാധിതരുടെ പുനരധിവാസത്തിനായി ഐഡിബിഐ ബാങ്ക് ഒരു കോടി രൂപ നല്‍കി. തുക ബാങ്കിന്റെ ഡെപ്യൂട്ടി മാനേജിംഗ് ഡയറക്ടര്‍ ജയകുമാര്‍ എസ്. പിള്ള മുഖ്യമന്ത്രി പിണറായി വിജയന് കൈമാറി. ബാങ്കിന്റെ കൊച്ചി സോണ്‍ സിജിഎം മോഹന്‍ ഝാ, ജനറല്‍ മാനേജര്‍മാരായ സെബാസ്റ്റ്യന്‍, സി.സുനില്‍കുമാര്‍, സംസ്ഥാന വനിതാ വികസന കോര്‍പ്പറേഷന്‍ മാനേജിംഗ് ഡയറക്ടര്‍ ബിന്ദു വി.സി.തുടങ്ങിയവര്‍ സന്നിഹിതരായിരുന്നു. കേരളത്തില്‍ ഐഡിബിഐ ബാങ്കിന്റെ പ്രവര്‍ത്തന വിപുലീകരണത്തെ കുറിച്ച് ജയകുമാര്‍ എസ്. പിള്ള മുഖ്യമന്ത്രിയെ ധരിപ്പിച്ചു.