തല്‍ക്കാലം സജീവരാഷ്ട്രീയത്തിലേക്കില്ലെന്ന് വ്യക്തമാക്കി രജനികാന്ത്. ആരോഗ്യകാരണങ്ങളാല്‍ പാര്‍ട്ടി പ്രഖ്യാപനവും രാഷ്ട്രീയ പ്രവേശനവും ഒഴിവാക്കുന്നുവെന്ന് താരം പ്രസ്താവനയിലൂടെ അറിയിച്ചു. രക്തസമ്മര്‍ദ്ദത്തിലുണ്ടായ വ്യതിയാനത്തെ തുടര്‍ന്ന് ഹൈദരാബാദിലെ ആശുപത്രിയില്‍ പ്രവേശിപ്പിച്ച രജനീകാന്ത് കഴിഞ്ഞ ദിവസമായിരുന്നു ഡിസ്ചാര്‍ജ് ചെയ്ത് ചെന്നൈയിലെ വീട്ടിലെത്തിയത്. ഇതിന് പിന്നാലെയാണ് രാഷ്ട്രീയത്തിലേക്കില്ലെന്ന പ്രഖ്യാപനം.
കടുത്ത നിരാശയോടെയാണ് ഈ തീരുമാനം അറിയിക്കുന്നതെന്ന് പ്രസ്താനവയില്‍ താരം പറയുന്നുണ്ട്. തന്നെ വിശ്വസിച്ച് രാഷ്ട്രീയത്തിലിറങ്ങുന്നവര്‍ ദുഃഖിക്കാന്‍ ഇടവരരുത്. വാക്കുപാലിക്കാനാകാത്തതില്‍ കടുത്ത വേദനയുണ്ടെന്നും രജനീകാന്ത് പറഞ്ഞു.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
പുതിയ പാര്‍ട്ടിയുടെ പ്രഖ്യാപനം ഡിസംബര്‍ 31ന് നടത്തുമെന്നായിരുന്നു രജനീകാന്ത് നേരത്തെ അറിയിച്ചിരുന്നത്. ജനുവരിയില്‍ പാര്‍ട്ടിയുടെ ഔദ്യോഗിക ലോഞ്ചിങ് ഉണ്ടാകുമെന്നും, സജീവ പ്രവര്‍ത്തനം തുടങ്ങുമെന്നും താരം അറിയിച്ചിരുന്നു.
Rajinikanth announces he will not start a political party
