Around us

‘ഇത്ര ലൈംഗിക വൈകൃതമുള്ള നാണം കെട്ട ജഡ്ജിയെ കണ്ടിട്ടില്ല’; രഞ്ജന്‍ ഗൊഗോയിക്കെതിരെ മാര്‍കണ്ഡേയ കട്ജു   

സുപ്രീം കോടതി മുന്‍ ചീഫ് ജസ്റ്റിസ് രഞ്ജന്‍ ഗൊഗോയിയെ രാജ്യസഭയിലേക്ക് നാമനിര്‍ദ്ദേശം ചെയ്തതിന് പിന്നാലെ അദ്ദേഹത്തെ കടന്നാക്രമിച്ച് മുന്‍ ജഡ്ജ് മാര്‍കണ്ഡേയ കട്ജു. ഇത്രയും ലൈംഗിക വൈകൃതമുള്ള നാണംകെട്ട, ആഭാസനായ മറ്റൊരു ജഡ്ജിയെ താന്‍ ഇതുവരെ കണ്ടിട്ടില്ലെന്നായിരുന്നു കട്ജുവിന്റെ ട്വീറ്റ്.

20 വര്‍ഷത്തോളം അഭിഭാഷകനായിരുന്നു. 20 വര്‍ഷത്തോളം ജഡ്ജുമായിരുന്നു. എനിക്ക് നിരവധി നല്ല ജഡ്ജുമാരെയും മോശം ജഡ്ജുമാരെയുമറിയാം. എന്നാല്‍ ഇത്രയും നാണം കെട്ട അധപ്പതിച്ച ലൈംഗിക വൈകൃതമുള്ള രഞ്ജന്‍ ഗൊഗോയിയെ പോലെ മറ്റൊരാളെ അറിയില്ല. ഈ മനുഷ്യനില്ലാത്ത ദുര്‍ഗുണങ്ങളൊന്നുമില്ല.

Also Read: സുപ്രീം കോടതി മുന്‍ ചീഫ് ജസ്റ്റിസ് രഞ്ജന്‍ ഗൊഗോയ് രാജ്യസഭയിലേക്ക്

ഗൊഗോയി ലൈംഗികമായി പീഡിപ്പിച്ചെന്ന് ആരോപിച്ച ജീവനക്കാരിയെ, സര്‍വീസില്‍ തിരിച്ചെടുത്ത ഘട്ടത്തിലും മാര്‍കണ്ഡേയ കട്ജു രൂക്ഷവിമര്‍ശനവുമായി രംഗത്തെത്തിയിരുന്നു. ആഭാസനും ചതിയനുമാണ് ഗൊഗോയിയെന്ന് കട്ജുവെന്ന് അന്ന് തുറന്നടിച്ചിരുന്നു. 2011 ലാണ് കട്ജു സുപ്രീം കോടതി ജഡ്ജിയുടെ പദവിയില്‍ നിന്ന്‌ വിരമിച്ചത്. രഞ്ജന്‍ ഗൊഗോയിയുടെ രാജ്യസഭാ പ്രവേശനത്തെ രൂക്ഷമായ ഭാഷയില്‍ വിമര്‍ശിച്ച് മുന്‍ സുപ്രീം കോടതി ജഡ്ജുമാരായ മദന്‍ ബി ലോകുറും കുര്യന്‍ ജോസഫും രംഗത്തെത്തിയിരുന്നു. അവസാന അത്താണിയും വീണോയെന്നായിരുന്നു മദന്‍ ബി ലോകുറിന്റെ ചോദ്യം. ജുഡീഷ്യറിയില്‍ സാധാരണക്കാരനുള്ള വിശ്വാസത്തിന് ഇളക്കമേല്‍പ്പിക്കുന്നതാണ് നടപടിയെന്നായിരുന്നു കുര്യന്‍ ജോസഫിന്റെ പ്രതികരണം.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം