സൂര്യാസ്തമയം അവര്‍ ഒരുമിച്ച് കണ്ടു നിന്നു ; കൊറോണക്കാലത്ത് 87 കാരന്റെ ഹൃദയം തൊടുന്ന ചിത്രം 

കൊറോണ വൈറസ് ബാധ നിരവധി ജീവനുകള്‍ കവര്‍ന്ന വുഹാനിലെ, യുഎന്‍ഐ ആശുപത്രില്‍ അതേ രോഗവുമായി മല്ലിടുകയാണ് 87 കാരന്‍. ഡോക്ടര്‍ അദ്ദേഹത്തെ സിടി സ്‌കാന്‍ എടുക്കാനായി കൊണ്ടുപോവുകയായിരുന്നു. അപ്പോഴാണ് സൂര്യന്‍ അസ്തമിക്കുന്നത് ആ 87 കാരന്റെ കണ്ണിലുടക്കുന്നത്. അത് കാണാന്‍ ഇവിടെ നിര്‍ത്തേണ്ടതുണ്ടോയെന്ന് ആ ഡോക്ടര്‍ അദ്ദേഹത്തോട് ചോദിച്ചു. വേണമെന്നായിരുന്നു മറുപടി.

ഇരുവരും സൂര്യാസ്തമയം കണ്ടു. ഹൃദയം തൊടുന്ന ആ ചിത്രം സമൂഹ മാധ്യമങ്ങളില്‍ വൈറലാവുകുയാണ്. ചെന്‍ചെന്‍ എന്ന ട്വിറ്റര്‍ യൂസറാണ് വിശദാംശങ്ങള്‍ സഹിതം ഫോട്ടോ ട്വിറ്ററില്‍ പങ്കുവെച്ചത്. രോഗിക്ക് സൂര്യാസ്തമയം കാണിച്ചുകൊടുത്ത ഡോക്ടറെ അഭിനന്ദിച്ച് നിരവധി പേരാണ് രംഗത്തെത്തുന്നത്. 87 കാരന്‍ ഒരു മാസമായി ഈ ആശുപത്രിയില്‍ ചികിത്സയിലാണ്.

ദ ക്യു വീഡിയോ പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം