Gulf Stream

ഷാ‍ർജ പുസ്തകോത്സവം: വാരാന്ത്യത്തില്‍ ജനത്തിരക്കേറും

ഷാർജ പുസ്തകോത്സവത്തില്‍ ജനത്തിരക്കേറുന്നു. വാരാന്ത്യ അവധി ദിനമായ ശനിയാഴ്ചയും ഞായറാഴ്ചയും കൂടുതല്‍ പേർ പുസ്തകോത്സവം സന്ദർശിക്കുമെന്നാണ് കരുതുന്നത്. എല്ലാവർഷത്തേയും പോലെ ഇത്തവണയും പങ്കാളിത്തം കൊണ്ട് ശ്രദ്ധനേടുന്നത് മലയാളം തന്നെയാണ്. പുതിയ പുസ്തകങ്ങളെ അറിയാനും വാങ്ങാനും സൗഹൃദം പുതുക്കാനുമായെല്ലാം പുസ്തകോത്സവത്തിലേക്ക് എത്തുന്നവരും നിരവധി.

യുഎഇയിലെ വിവിധ സ്കൂളുകളില്‍ നിന്നുളള വിദ്യാർത്ഥികളും കഴിഞ്ഞ രണ്ട് ദിവസത്തിനിടെ പുസ്തകോത്സവത്തിന്‍റെ ഭാഗമായി. കുട്ടികള്‍ക്കുവേണ്ടിയുളള പുസ്തകങ്ങളുളള സ്റ്റാളുകളില്‍ വലിയ തിരക്ക് അനുഭവപ്പെട്ടു. മലയാളം പ്രസാധകരും പുസ്തകങ്ങളും അണിനിരക്കുന്ന ഹാള്‍ നമ്പർ 7 ലും നല്ല തിരക്കാണ് അനുഭവപ്പെടുന്നത്. കോവിഡ് ഭീതി നിലനിന്നിരുന്ന കഴിഞ്ഞ വർഷങ്ങളെ അപേക്ഷിച്ച് ഇത്തവണ കൂടുതല്‍ പേർ പുസ്തകമേളയ്ക്ക് എത്തുമെന്നാണ് പ്രതീക്ഷിക്കുന്നതെന്ന് ഒലീവ് ബുക്സിന്‍റെ പ്രതിനിധി സന്ദീപ് പറഞ്ഞു. ആദ്യ ദിനം തന്നെ വലിയ തോതിലുളള ജനത്തിരക്ക് അനുഭവപ്പെടുന്നുണ്ട്. വാരാന്ത്യത്തില്‍ അത് കൂടുമെന്നുതന്നെയാണ് കരുതുന്നതെന്നും അദ്ദേഹം പറഞ്ഞു.

Sandeep, Olive Books

പുസ്തക പ്രകാശന വേദിയായ റൈറ്റേഴ്സ് ഫോറത്തില്‍ ഓരോ പുസ്തകപ്രകാശനത്തിനും തിരക്ക് അനുഭവപ്പെടുന്നുണ്ട്. പുസ്തകോത്സവം തുടങ്ങിയ നവംബർ 1ന് 22 പുസ്തകങ്ങളാണ് പ്രകാശനം ചെയ്തത്. നവംബർ രണ്ടിന് 37 പുസ്തകപ്രകാശനങ്ങളും നടന്നു. വരും ദിവസങ്ങളിലും നിരവധി പുസ്തകങ്ങളാണ് റൈറ്റേ്ഴ്സ് ഫോറത്തിലൂടെ പ്രകാശിതമാവുക.

പാട്ടുകാരനോ പാട്ടിനോ പകരമാകാൻ എഐയ്ക്ക് കഴിയില്ല: എആർ റഹ്മാന്‍

'എ ഹേറ്റ് ലെറ്റര്‍ ടു സിനിമ'; മോളിവുഡ് ടൈംസിന് പാക്ക് അപ്പ്‌

പാപങ്ങളുടെ വലിപ്പ ചെറുപ്പം അളക്കാനുള്ള മാനദന്ധം എന്ത്? ത്രില്ലടിപ്പിച്ച് 'ദി റൈഡ്' ടീസർ

പ്രേക്ഷകർ ഏറ്റെടുത്തു; എക്കോ ലോകവ്യാപകമായി കൂടുതൽ തിയേറ്ററുകളിലേക്ക്

നിർമ്മാണം കെഎസ്എഫ്ഡിസി; പുതിയ സിനിമയുടെ സ്വിച്ച് ഓൺ ചടങ്ങ് നടന്നു

SCROLL FOR NEXT