മാധ്യമപ്രവർത്തകനും എഴുത്തുകാരനുമായ കെ എം അബ്ബാസിന്‍റെ 'സമ്പൂർണ കഥകൾ' ദുബായിൽ പ്രകാശനം ചെയ്തു.ബർദുബായ് ഫുഡ്ബൗൾ റസ്റ്ററന്‍റില്‍ വച്ച് നടന്ന ചടങ്ങിൽ മലബാർ ഗോൾഡ് ആൻഡ് ഡയമണ്ട്സ് എം ഡി ഷംലാൽ അഹ്‌മദ് ഒയാസിസ് കെമിക്കൽസ് എം ഡി വേണുഗോപാൽ മേനോന് നൽകിയാണ് പ്രകാശനം ചെയ്തത്.
തൻസി ഹാഷിർ അധ്യക്ഷത വഹിച്ചു.പി.എ ജലീൽ,തൽഹത്,എം സി എ നാസർ,എൽവിസ് ചുമ്മാർ,സാദിഖ് കാവിൽ,വനിത വിനോദ് സംസാരിച്ചു.അനൂപ് കീച്ചേരി സ്വാഗതവും ജലീൽ പട്ടാമ്പി നന്ദിയും പറഞ്ഞു.ഗൾഫ് ജീവിത പശ്ചാത്തലത്തിലുള്ള കഥകളുടെ സമാഹാരമാണിത്.ഷാർജ രാജ്യാന്തര പുസ്തക മേളയിൽ ഗ്രീൻബുക്സ് പവലിയനിൽ ലഭ്യമാകും.