ഗ്യാങ്സ്റ്റര് ലോകവും സങ്കീര്ണമായ ബന്ധങ്ങളും വമ്പന് ആക്ഷനും നിറഞ്ഞ സിനിമാനുഭവവുമായി ഗീതു മോഹന്ദാസിന്റെ ടോക്സിക് എത്തുന്നു. യഷ് നായകനാകുന്ന ടോക്സിക് തിരുവോണ ദിനത്തില് തിയറ്ററുകളിലെത്തും. അധികാരത്തിനും അതിജീവനത്തിനുമിടയില് ബന്ധങ്ങളും പോരാട്ടങ്ങളും നിര്ണായകമാകുന്ന ഒരു ലോകമാണ് ചിത്രത്തിന്റെ പ്രമേയം. ക്രൈം, അധികാരം, ആഗ്രഹങ്ങള് എന്നിവ നിറഞ്ഞ വിശാലമായ ലോകത്തിന്റെ പശ്ചാത്തലത്തില് ഒരുങ്ങുന്ന ടോക്സിക്, ആക്ഷനും ഡ്രാമയും സങ്കീര്ണമായ മാനുഷിക ബന്ധങ്ങളും കോര്ത്തിണക്കുന്ന കഥയാണ് പറയുന്നത്. അധികാരത്തിന്റെയും അതിജീവനത്തിന്റെയും നിയമങ്ങള് നിര്ണയിക്കുന്ന ഈ ലോകത്തിന്റെ കേന്ദ്രത്തില് യഷ് അവതരിപ്പിക്കുന്ന കഥാപാത്രങ്ങളായ റായയും ടിക്കറ്റും എത്തുന്നു. ചിത്രത്തിന്റെ വമ്പന് ലോകത്തിന് രണ്ട് വ്യത്യസ്ത മാനങ്ങള് നല്കുന്ന കഥാപാത്രങ്ങളായാണ് യഷ് ഇരുവരെയും അവതരിപ്പിക്കുന്നത്.
അധികാരം കൈമാറി വരുന്ന അപകടകരമായ ഒരു ലോകത്തിലൂടെയാണ് കഥ മുന്നേറുന്നത്. ബന്ധങ്ങളും സംഘര്ഷങ്ങളും ചിത്രത്തിന്റെ പ്രധാന പ്രമേയങ്ങളാകുന്നു. വ്യക്തിബന്ധങ്ങളും അധികാരത്തിനായുള്ള വലിയ പോരാട്ടങ്ങളും വേര്തിരിക്കാനാകാത്ത ഒരു ലോകമാണ് ടോക്സിക് അവതരിപ്പിക്കുന്നത്. ചിത്രത്തിന്റെ സ്കെയിലില് മാത്രം ഒതുങ്ങുന്നതല്ല അതിന്റെ ആകര്ഷണം. കഥാപാത്രങ്ങളെ കേന്ദ്രീകരിച്ച് ഗീതു മോഹന്ദാസ് സൃഷ്ടിച്ചിട്ടുള്ള വ്യത്യസ്തമായ ലോകവും പ്രധാന സവിശേഷതയാണ്. തന്റെ സിനിമകളിലൂടെ തീവ്രമായ വ്യക്തികഥകളും വ്യത്യസ്തമായ കഥാശൈലിയും അവതരിപ്പിച്ചിട്ടുള്ള ഗീതു, ടോക്സിക്കിലൂടെ കൂടുതല് വിശാലമായ ഒരു ക്യാന്വാസിലേക്ക് കടക്കുകയാണ്. കഥാപാത്രങ്ങളുടെ ആഴവും മാനുഷിക വികാരങ്ങളും നിലനിര്ത്തിക്കൊണ്ട്, ആക്ഷനും ആകാംക്ഷയും ദൃശ്യവിസ്മയവും നിറഞ്ഞ ഒരു വമ്പന് ഗ്യാങ്സ്റ്റര് ഡ്രാമയാണ് ഗീതു ഒരുക്കുന്നത്.
മലയാള സിനിമയില് നിന്ന് ലോക സിനിമാ ക്യാന്വാസിലേക്കുള്ള ഗീതു മോഹന്ദാസിന്റെ യാത്രയിലെ നിര്ണായക ചുവടുവെപ്പാണ് ടോക്സിക്. മലയാള സിനിമയിലൂടെ സ്വന്തമായൊരു സര്ഗാത്മക ഇടം രൂപപ്പെടുത്തിയ ഗീതു, അതേ വ്യത്യസ്തമായ കാഴ്ചപ്പാടുമായി ഇത്തവണ വലിയൊരു പ്രൊഡക്ഷന്റെ ഭാഗമാകുകയാണ്. ഗീതുവിന്റെ വ്യത്യസ്തമായ ഫിലിംമേക്കിങ് സെന്സിബിലിറ്റിയും യഷിന്റെ ശക്തമായ സ്ക്രീന് പ്രസന്സും ഒന്നിക്കുമ്പോള്, കഥാപാത്രങ്ങളുടെ ആഴവും വമ്പന് സിനിമാറ്റിക് സ്കെയിലും ഒരുപോലെ ചേരുന്ന അനുഭവമാണ് ടോക്സിക് സമ്മാനിക്കുന്നത്.
നയന്താര, കിയാര അദ്വാനി, ഹുമ ഖുറേഷി, താര സുതാരിയ, രുക്മിണി വസന്ത് എന്നിവരടങ്ങുന്ന ശ്രദ്ധേയമായ താരനിരയും ചിത്രത്തിന്റെ ഭാഗമാണ്. റായയെയും ടിക്കറ്റിനെയും ചുറ്റിപ്പറ്റിയുള്ള സങ്കീര്ണമായ ലോകത്തിന് കൂടുതല് തലങ്ങള് നല്കുന്നതാണ് ഇവരുടെ കഥാപാത്രങ്ങള്. കേരള മാര്ക്കറ്റിംഗ്: ബ്രിങ്ഫോര്ത്ത്