സത്യന് അന്തിക്കാട് സംവിധാനം ചെയ്ത ജയറാം, മീര ജാസ്മിന് എന്നിവര് കേന്ദ്ര കഥാപാത്രങ്ങളാവുന്ന ചിത്രത്തിന്റെ പേര് പ്രഖ്യാപിച്ചു. 'മകള്' എന്നാണ് പേര്. മനസ്സിനിണങ്ങിയ ഒരു പേര് കണ്ടെത്താനുള്ള ശ്രമം സിനിമയെപ്പറ്റി ആലോചിക്കുമ്പോള് തന്നെ തുടങ്ങുന്നു എന്നതാണ് വാസ്തവം. അത് തെളിഞ്ഞു വരാന് ഒരു സമയമുണ്ട്. ഇപ്പോള് പുതിയ സിനിമയുടെ പേര് മനസ്സില് തെളിഞ്ഞിരിക്കുന്നു എന്ന് സത്യന് അന്തിക്കാട് ഫെയ്സ്ബുക്കില് കുറിച്ചു.
സത്യന് അന്തിക്കാടിന്റെ ഫെയ്സ്ബുക്ക് പോസ്റ്റ്:
പുതിയ സിനിമയുടെ ചിത്രീകരണം പൂര്ത്തിയാകാറായി. ഇത് വരെ പേരിട്ടില്ലേ എന്ന് പലരും ചോദിച്ചു തുടങ്ങി. പൊതുവെ വൈകി പേരിടുന്നതാണ് എന്റെയൊരു പതിവ്. അത് മനഃപൂര്വ്വമാണെന്ന് ചിലരൊക്കെ പറയാറുണ്ട്. മനസ്സിനിണങ്ങിയ ഒരു പേര് കണ്ടെത്താനുള്ള ശ്രമം സിനിമയെപ്പറ്റി ആലോചിക്കുമ്പോള് തന്നെ തുടങ്ങുന്നു എന്നതാണ് വാസ്തവം. അത് തെളിഞ്ഞു വരാന് ഒരു സമയമുണ്ട്. ഇപ്പോള് പുതിയ സിനിമയുടെ പേര് മനസ്സില് തെളിഞ്ഞിരിക്കുന്നു. 'മകള്'. അത് നിങ്ങളുമായി പങ്കു വക്കുന്നു.
'ഒരു ഇന്ത്യന് പ്രണയകഥ'യും, 'കുടുംബപുരാണ'വും, 'കളിക്കള'വുമൊക്കെ നിര്മ്മിച്ച 'സെന്ട്രല് പ്രൊഡക്ഷന്സാണ്' നിര്മ്മാതാക്കള്. ഡോ. ഇക്ബാല് കുറ്റിപ്പുറത്തിന്റേതാണ് രചന. അവിസ്മരണീയമായ ദൃശ്യാനുഭവങ്ങള് നല്കുന്ന എസ്. കുമാറാണ് ഛായാഗ്രാഹണം നിര്വഹിക്കുന്നത്.
ജയറാമും, മീര ജാസ്മിനും വീണ്ടും ഞങ്ങളോടൊപ്പം ചേരുന്നു എന്നതാണ് ഏറ്റവും വലിയ സന്തോഷം. ഞാന് പ്രകാശനിലെ ടീന മോളായി വന്ന ദേവിക സഞ്ജയ് ഇത്തവണയും എന്നെ അത്ഭുതപ്പെടുത്തിയിട്ടുണ്ട്. കാത്തിരിക്കുക. തിയേറ്ററുകളിലൂടെത്തന്നെ 'മകള്' നിങ്ങള്ക്കു മുമ്പിലെത്തും.
13 വര്ഷത്തിന് ശേഷം മീര ജാസ്മിനും സത്യന് അന്തിക്കാടും വീണ്ടും ഒന്നിക്കുന്ന ചിത്രം കൂടിയാണ് മകള്. ചിത്രത്തില് ജൂലിയറ്റ് എന്ന കഥാപാത്രത്തെയാണ് മീര അവതരിപ്പിക്കുന്നത്. ഇന്നസെന്റ്, ശ്രീനിവാസന്, ശ്രീലത, സിദ്ദിഖ്, അല്ത്താഫ്, നസ്ലിന്, ദേവിക എന്നിവരും ചിത്രത്തിലുണ്ട്.