കൊല്ലം ജില്ലയുടെ സംസ്കാരത്തിലൂന്നി കഥ പറയുന്ന ചിത്രമാണ് 'പൊൻമാൻ' എന്ന് നടി ലിജോമോൾ ജോസ്. കൊല്ലം ജില്ലയിൽ നടക്കുന്ന ഒരു കഥയായിട്ടാണ് പൊൻമാൻ എന്ന ചിത്രത്തെ ആദ്യം മുതൽക്കേ പരിചയപ്പെടുത്തുന്നത് എന്നും കൊല്ലം ജില്ലയിലുള്ളവർക്ക് പൊൻമാൻ കുറച്ചു കൂടി കണക്ട് ചെയ്യാൻ സാധിക്കും എന്നും ലിജോ മോൾ പറയുന്നു. കല്യാണ തലേന്ന് ഒരു വീട്ടിൽ നടക്കുന്ന കഥയാണ് സിനിമയുടെ ഇതിവൃത്തം എന്നും ക്യു സ്റ്റുഡിയോയ്ക്ക് നൽകിയ അഭിമുഖത്തിൽ ലിജോമോൾ ജോസ് പറഞ്ഞു. ചിത്രം ജനുവരി 30 ന് തിയറ്ററുകളിലെത്തും.

ലിജോമോൾ ജോസ് പറഞ്ഞത്:

ഇത് കൊല്ലം എന്ന ജില്ലയിൽ നടക്കുന്ന ഒരു കഥയാണ്. ഈ സിനിമയുടെ ആദ്യം തന്നെ നമ്മൾ സിനിമയെ പരിചയപ്പെടുത്തിക്കൊണ്ടു പോകുന്നത് അങ്ങനെ തന്നെയാണ്. അപ്പോൾ തന്നെ ആളുകൾ കൊല്ലത്തിലേക്ക് ഇൻ ആവും. ആ നാട്ടിലെ കൾച്ചറിനെക്കൂടി അടിസ്ഥാനപ്പെടുത്തിക്കൊണ്ടുള്ള കഥയാണ് ഇത്. ആ നാട്ടിൽ കല്യാണ തലേന്ന് നടക്കുന്ന അവരുടെ കൾച്ചറിലുള്ള കുറച്ച് കാര്യങ്ങളാണ് സിനിമ. അവിടെ നിന്നാണ് പൊൻമാൻ എന്ന സിനിമയുടെ തുടക്കം. തീർച്ചയായിട്ടും കൊല്ലത്ത് ഉള്ളവർക്ക് ഇത് കുറച്ചു കൂടി കണ്ക്ട് ചെയ്യാൻ സാധിക്കും.

കലാസംവിധായകനും പ്രൊഡക്ഷൻ ഡിസൈനറുമായ ജ്യോതിഷ് ശങ്കർ സംവിധായകനായി അരങ്ങേറ്റം കുറിക്കുന്ന ചിത്രമാണ് 'പൊൻമാൻ'. ജി ആർ ഇന്ദുഗോപൻ്റെ 'നാലഞ്ച് ചെറുപ്പക്കാർ' എന്ന നോവലിനെ ആസ്പദമാക്കി ഒരുങ്ങുന്ന ചിത്രത്തിൽ ബേസിൽ ജോസഫാണ് നായകൻ. ജി ആർ ഇന്ദുഗോപൻ, ജസ്റ്റിൻ മാത്യു എന്നിവർ ചേർന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. ത്രില്ലർ സ്വഭാവത്തിൽ ഒരുങ്ങുന്ന ചിത്രത്തിൽ പൊന്നാണ് പ്രധാന വിഷയം. പൊൻമാനിൽ അജേഷ് എന്ന നായക കഥാപാത്രത്തെയാണ് ബേസിൽ അവതരിപ്പിക്കുന്നത്. സ്റ്റെഫി എന്ന നായിക കഥാപാത്രമായ ലിജോമോൾ ജോസ് എത്തുന്നു. മരിയൻ ആയി സജിൻ ഗോപു, ബ്രൂണോ ആയി ആനന്ദ് മന്മഥൻ എന്നിവരുമാണ് എത്തുന്നത്. ദീപക് പറമ്പോൽ, രാജേഷ് ശർമ്മ, സന്ധ്യ രാജേന്ദ്രൻ, ജയാ കുറുപ്പ്, റെജു ശിവദാസ്, ലക്ഷ്മി സഞ്ജു, മജു അഞ്ചൽ, വൈഷ്ണവി കല്യാണി, ആനന്ദ് നെച്ചൂരാൻ, കെ വി കടമ്പനാടൻ (ശിവപ്രസാദ്, ഒതളങ്ങ തുരുത്ത്), കിരൺ പീതാംബരൻ, മിഥുൻ വേണുഗോപാൽ, ശൈലജ പി അമ്പു, തങ്കം മോഹൻ എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ. ന്നാ താൻ കേസ് കൊട്, കുമ്പളങ്ങി നൈറ്റ്സ്, ആൻഡ്രോയിഡ് കുഞ്ഞപ്പൻ എന്നീ ചിത്രങ്ങളിലെ കലാസംവിധാനത്തിന് മികച്ച കലാസംവിധായകനുള്ള കേരള സംസ്ഥാന ചലച്ചിത്ര പുരസ്‌കാരം 2 തവണ നേടിയ കലാസംവിധായകനാണ് ജ്യോതിഷ് ശങ്കർ.

പൊൻമാന്റെ ഛായാഗ്രഹണം നിർവഹിക്കുന്നത് സാനു ജോൺ വർഗീസ് ആണ്. സംഗീതസംവിധാനം നിർവഹിക്കുന്നത് ജസ്റ്റിൻ വർഗീസ് ആണ്. എഡിറ്റർ- നിധിൻ രാജ് ആരോൾ, പ്രൊജക്റ്റ് ഡിസൈനർ- രഞ്ജിത്ത് കരുണാകരൻ, പ്രൊഡക്ഷൻ ഡിസൈനർ- ജ്യോതിഷ് ശങ്കർ, കലാസംവിധായകൻ- കൃപേഷ് അയപ്പൻകുട്ടി, വസ്ത്രാലങ്കാരം- മെൽവി ജെ, മേക്കപ്പ്- സുധി സുരേന്ദ്രൻ, പ്രൊഡക്ഷൻ എക്സിക്യൂട്ടീവ്- വിമൽ വിജയ്, ചീഫ് അസോസിയേറ്റ് ഡയറക്ടർ- എൽസൺ എൽദോസ്, വരികൾ- സുഹൈൽ കോയ, സൌണ്ട് ഡിസൈൻ- ശങ്കരൻ എ എസ്, കെ സി സിദ്ധാർത്ഥൻ, സൗണ്ട് മിക്സിങ്- അരവിന്ദ് മേനോൻ, ആക്ഷൻ- ഫീനിക്സ് പ്രഭു, കളറിസ്റ്റ്- ലിജു പ്രഭാകർ, വിഎഫ്എക്സ്- നോക്ടർണൽ ഒക്റ്റേവ് പ്രൊഡക്ഷൻസ്, സ്റ്റിൽസ്- രോഹിത് കൃഷ്ണൻ, പബ്ലിസിറ്റി ഡിസൈൻ- യെല്ലോ ടൂത്, മാർക്കറ്റിംഗ് - ആരോമൽ, പിആർഒ - എ എസ് ദിനേശ്, ശബരി. അഡ്വർടൈസ്‌മെന്റ്- ബ്രിങ് ഫോർത്ത്.