മമ്മൂട്ടിയെ നായകനാക്കി ഛായാഗ്രാഹകൻ റോബി വർഗീസ് സംവിധാനം ചെയ്യുന്ന കണ്ണൂർ സ്ക്വാഡിന്റെ റിലീസ് തീയതി പുറത്തുവിട്ട് അണിയറപ്രവർത്തകർ. സെപ്റ്റംബർ 28 ന് റിലീസ് ചെയ്യുനൊരുങ്ങുന്ന ചിത്രത്തിന് യു എ സർട്ടിഫിക്കറ്റ് ആണ് ലഭിച്ചിരിക്കുന്നത്. കേരളത്തിൽ നിന്ന് ഉത്തരേന്ത്യയിലേക്ക് പ്രതികളെ അന്വേഷിച്ച് പോകുന്ന പൊലീസുകാരുടെ കഥയാണ് ചിത്രം പറയുന്നത്. മമ്മൂട്ടിക്കൊപ്പം റോണി ഡേവിഡ്, അസീസ് നെടുമങ്ങാട്, ശബരീഷ്, എന്നിവരാണ് സ്ക്വാഡ് മെമ്പേഴ്സായെത്തുന്നത്. ചിത്രം ഒരു ക്രൈം ഡ്രാമയായിരിക്കുമെന്നാണ് ട്രെയ്ലർ സൂചിപ്പിക്കുന്നത്.
റോഷാക്ക്, നന്പകല് നേരത്ത് മയക്കം, കാതല് എന്നീ ചിത്രങ്ങള്ക്ക് ശേഷം മമ്മൂട്ടി കമ്പനി നിര്മ്മിക്കുന്ന ചിത്രം കൂടിയാണ് 'കണ്ണൂര് സ്ക്വാഡ്'. മമ്മൂട്ടി ചിത്രങ്ങളായ 'ദി ഗ്രേറ്റ് ഫാദര്', 'പുതിയ നിയമം' തുടങ്ങിയവയുടെ ഛായാഗ്രാകനായിരുന്നു റോബി വര്ഗീസ് രാജ്. റോബിയുടെ സഹോദരനും നടനുമായ റോണി ഡേവിഡും മുഹമ്മദ് ഷാഫിയും ചേർന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. സുഷിൻ ശ്യാമാണ് ചിത്രത്തിന് സംഗീതം നൽകുന്നത്.
സണ്ണി വെയ്ൻ , വിജയരാഘവൻ, കിഷോർ തുടങ്ങിയവരും ചിത്രത്തിൽ മറ്റ് പ്രധാനപ്പെട്ട വേഷങ്ങളിലെത്തുന്നുണ്ട്. മുഹമ്മദ് റാഹിലാണ് ചിത്രത്തിന്റെ ഛായാഗ്രഹണം. എഡിറ്റിംഗ് കൈകാര്യം ചെയ്യുന്നത് പ്രവീണ് പ്രഭാകര്. കണ്ണൂര്, കാസര്ഗോഡ്, വയനാട്, എറണാകുളം, തിരുവനന്തപുരം, പാലാ, പൂനെ, മുംബൈ, ഉത്തര്പ്രദേശ്, മംഗളൂരു, ബെല്ഗം, കോയമ്പത്തൂര് എന്നിവിടങ്ങളിലാണ് സിനിമയുടെ ചിത്രീകരണം നടന്നത്.
ദുല്ഖര് സല്മാന്റെ ഉടമസ്ഥതയിലുള്ള വേഫെറര് ഫിലിംസ് ആണ് ചിത്രം കേരളത്തില് വിതരണം ചെയ്യുന്നത്. എക്സിക്യുട്ടിവ് പ്രൊഡ്യൂസര് -എസ് ജോര്ജ്, ലൈന് പ്രൊഡ്യൂസര് - സുനില് സിംഗ്, പ്രൊഡക്ഷന് ഡിസനര് - ഷാജി നടുവില്, പ്രൊഡക്ഷന് കണ്ട്രോളര് - പ്രശാന്ത്നാരാണന്, ചീഫ് അസോസിയേറ്റ് ഡയറക്ടേഴ്സ് - ജിബിന് ജോണ്, അരിഷ് അസ്ലം, ചീഫ് അസ്സോസിയേറ്റ് ക്യാമറാമാന്- റിജോ നെല്ലിവിള, മേക്കപ്പ് റോണെക്സ് - സേവ്യര്, വസ്ത്രാലങ്കാരം - അരുണ് മനോഹര്, അഭിജിത്, സൗണ്ട് ഡിസൈന്- ടോണി ബാബു എംപിഎസ്ഇ, അസോസിയേറ്റ് ഡയറക്ടേഴ്സ് -വി ടി ആദര്ശ്, വിഷ്ണു രവികുമാര്, വി എഫ് എക്സ് ഡിജിറ്റല് - ടര്ബോ മീഡിയ, സ്റ്റില്സ് - നവീന് മുരളി, ഡിജിറ്റല് മാര്ക്കറ്റിംഗ്- വിഷ്ണു സുഗതന്,അനൂപ്സുന്ദര.