മലയാളത്തില് ബിജു മേനോനും, പൃഥ്വിരാജ് സുകുമാരനും ടൈറ്റില് റോളിലെത്തിയ അയ്യപ്പനും കോശിയും തമിഴ് റീമേക്ക് വാര്ത്തകളില് ഇടംപിടിച്ചിരുന്നു. 2020ലെ വമ്പന് ഹിറ്റുകളിലൊന്നായ അയ്യപ്പനും കോശിയും തമിഴിലെത്തുമ്പോള് ബിജുമേനോന് തകര്ത്തഭിനയിച്ച അയ്യപ്പന് നായരെയും, പൃഥ്വിരാജിന്റെ സമീപകാലത്തെ മികച്ച പ്രകടനങ്ങളിലൊന്നായ കോശിയെയും ആരൊക്കെ അവതരിപ്പിക്കുമെന്നതും ചര്ച്ചയായി.
ആടുകളം, ജിഗര്തണ്ടാ എന്നീ സിനിമകളുടെ നിര്മ്മാതാവ് എസ് കതിരേശനാണ് റീമേക്ക് അവകാശം വാങ്ങിയത്. സുഹൃത്ത് ധനുഷിനെയാണ് കതിരേശന് പൃഥ്വിരാജ് ചെയ്ത റോളിലേക്ക് ആലോചിക്കുന്നതെന്നും വാര്ത്തകള് വന്നിരുന്നു. എന്നാല് പൃഥ്വിരാജിന്റെ കഥാപാത്രമായി നടനും സംവിധായകനുമായ ശശികുമാറും, ബിജു മേനോന് ചെയ്ത പൊലീസ് കഥാപാത്രമായി ശരത്കുമാറും എത്തുമെന്നാണ് തമിഴ് മാധ്യമങ്ങള് റിപ്പോര്ട്ട് ചെയ്യുന്നത്. ഇക്കാര്യത്തില് ഔദ്യോഗിക സ്ഥിരീകരണം വന്നിട്ടില്ല.
ശരത്കുമാറും ശശികുമാറും ഇതുവരെ ഒരു ചിത്രത്തിനായി ഒന്നിച്ചിട്ടില്ല. സമുദ്രക്കനി സംവിധാനം ചെയ്ത നിമിര്ന്ത് നില് എന്ന ചിത്രത്തില് ശരത് കുമാര് അതിഥിതാരമായും ശബ്ദസാന്നിധ്യമായി ശശികുമാറും ഉണ്ടായിരുന്നു. ചിത്രം തമിഴില് ഒരുക്കാന് നിര്മ്മാതാവ് സച്ചിയെ തന്നെയാണ് ആദ്യം പരിഗണിച്ചിരുന്നതെന്നും എന്നാല് സച്ചി ക്ഷണം സ്വീകരിച്ചില്ലെന്നുമാണ് സൂചന.
അയ്യപ്പനും കോശിയും തമിഴിലെത്തുമ്പോള് കഥാപരിസരവും കഥാപാത്രങ്ങളുടെ പേരും ഉള്പ്പെടെ മാറ്റങ്ങള് ഉണ്ടാകുമെന്നാണ് സൂചന.