അണ്ടര്‍ 19 ക്രിക്കറ്റ്: കേരളത്തിന് കരുത്തേകാന്‍ 'ട്രാവന്‍കൂര്‍ ഗേള്‍സ്'
പെണ്‍കുട്ടികളുടെ അണ്ടര്‍ 19 കേരള ക്രിക്കറ്റ് ടീമിന് കരുത്തേകാന്‍ തിരുവന്തപുരത്തു നിന്ന് നാല് മിടുക്കികള്‍. ദിയ ഗിരീഷ്, കെസിയ മിറിയം സബിന്‍, സൗപര്‍ണിക ബി, സരസ്വതി ഉണ്ണി അമിത് എന്നിവരാണ് ഈ മാസം അവസാനത്തില്‍ വിശാഖപട്ടണത്ത് നടക്കുന്ന അന്തര്‍ സംസ്ഥാന ടൂര്‍ണമെന്റില്‍ കേരളത്തിന്റെ കുപ്പായം അണിയുക.
കേരളത്തിലെ ആദ്യത്തെ പെണ്‍കുട്ടികളുടെ ക്ലബ്ബായ 'ട്രാവന്‍കൂര്‍ ഗേള്‍സി'ലെ അംഗങ്ങളായിരുന്ന ഈ നാലുപേരില്‍ ദിയയും കെസിയയും ബാംഗ്ലൂരില്‍ പദുകോണ്‍-ദ്രാവിഡ് സ്‌പോര്‍ട്‌സ് സെന്ററിലും, സരസ്വതിയും, സൗപര്‍ണികയും തിരുവനന്തപുരത്തുമാണ് ഇപ്പോള്‍ പ്രാക്റ്റീസ് ചെയ്യുന്നത്. ദിയ കഴിഞ്ഞ വര്‍ഷത്തെ അണ്ടര്‍ 19 ടീമില്‍ അംഗമായിരുന്നു.
പത്തു ദിവസം നീണ്ടുനിന്ന ക്യാമ്പില്‍ നിന്നാണ് ഇവര്‍ തെരഞ്ഞെടുക്കപ്പെട്ടത്.
ഈ മാസം 7-നു വയനാട്ടിലെ കൃഷ്ണഗിരി സ്റ്റേഡിയത്തില്‍ നടക്കുന്ന ക്യാമ്പിന് ശേഷം കേരളം ടീം വിശാഖപട്ടണത്തേക്ക് തിരിക്കും. കേരള ക്രിക്കറ്റ് അസോസിയേഷന്റെ മുഖ്യ പരിശീലകനായ രാജഗോപാല്‍, ജസ്റ്റിന്‍ ഫെര്‍ണാണ്ടസ്, അനു അശോക്, ദീപ്തി എന്നിവരാണ് ടീമിനെ പരിശീലിപ്പിക്കുന്നത്.