News n Views

തുലാവര്‍ഷം: റെഡ് അലര്‍ട്ട് പിന്‍വലിച്ചു; ഇടുക്കിയില്‍ ഓറഞ്ച് അലര്‍ട്ട്

THE CUE

സംസ്ഥാനത്തെ അഞ്ച് ജില്ലകളില്‍ പ്രഖ്യാപിച്ചിരുന്ന റെഡ് അലര്‍ട്ടുകള്‍ പിന്‍വലിച്ചു. ചൊവ്വാഴ്ച അതിതീവ്രമഴയ്ക്ക് സാധ്യതയില്ലെന്ന പ്രവചനത്തെത്തുടര്‍ന്നാണ് റെഡ് അലര്‍ട്ട് പിന്‍വലിച്ചത്. എറണാകുളം, ഇടുക്കി, തൃശ്ശൂര്‍, പാലക്കാട്, മലപ്പുറം ജില്ലകളിലായിരുന്നു റെഡ് അലര്‍ട്ട് പ്രഖ്യാപിച്ചിരുന്നത്. ഇടുക്കിയില്‍ ഓറഞ്ച് അലര്‍ട്ടും പത്തനംതിട്ട, മലപ്പുറം, കോഴിക്കോട്, വയനാട് യെല്ലോ അലര്‍ട്ടും പ്രഖ്യാപിച്ചിട്ടുണ്ട്.

അറബിക്കടലില്‍ രൂപപ്പെട്ട ന്യൂനമര്‍ദ്ദം ശക്തിപ്രാപിച്ച് ചുഴലിക്കാറ്റായി മാറാന്‍ സാധ്യതയുണ്ട്. ഇപ്പോള്‍ മഹാരാഷ്ട്രതീരത്തേക്ക് നീങ്ങുന്ന ന്യൂനമര്‍ദ്ദം ഗതിമാറി ഒമാന്‍ തീരത്തേക്ക് മാറാന്‍ സാധ്യതയുണ്ട്. കന്യാകുമാരിക്കടുത്ത് അന്തരീക്ഷച്ചുഴിയും ബംഗാള്‍ ഉള്‍ക്കടലില്‍ ന്യൂനമര്‍ദ്ദവും രൂപപ്പെടുന്നത് കാലാവസ്ഥാ നിരീക്ഷണ കേന്ദ്രം ഗൗരവത്തോടെയാണ് കാണുന്നത്. തമിഴാനട്-ആന്ധ്രാ തീരത്തോടു ചേര്‍ന്നായിരിക്കും ന്യൂനമര്‍ദ്ദം ഉണ്ടാവുക.

മത്സ്യത്തൊഴിലാളികള്‍ കടലില്‍ പോകരുതെന്ന് നിര്‍ദേശിച്ചിട്ടുണ്ട്. 38 ശതമാനം അധികമഴയാണ് കേരളത്തില്‍ ലഭിച്ചത്. ഇത്തരം ഒറ്റപ്പെട്ട മഴ ആവര്‍ത്തിക്കാന്‍ സാധ്യതയുണ്ടെന്ന് കാലാവസ്ഥ വിദഗ്ധര്‍ പറയുന്നു.

‘ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT