രണ്ട് ദിവസത്തെ ഇടവേളക്ക് ശേഷം ഇന്ധനവില വീണ്ടും കൂട്ടി. പെട്രെളിന് 35 പൈസയും ഡീസലിന് 37 പൈസയുമാണ് വര്‍ധിപ്പിച്ചത്. ഇതോടെ തിരുവനന്തപുരത്ത് പെട്രോളിന് 110 രൂപയായി. നേരത്തെ തിരുവനന്തപുരം പാറശാലയിലും ഇടുക്കി പൂപ്പാറയിലും പെട്രോള്‍ വില 110 കടന്നിരുന്നു.

തിരുവനന്തപുരത്ത് ഒരു ലിറ്റര്‍ പെട്രോളിന് 110.11 രൂപയാണ്, ഡീസലിന് 102.86 രൂപ. കൊച്ചിയില്‍ പെട്രോളിന് 108.25 രൂപയായി, ഡീസലിന് 102.06 രൂപ. കോഴിക്കോട് പെട്രോളിന് 108.75 രൂപയും, ഡീസലിന് 102.19 രൂപയുമാണ്.

ഒരുമാസത്തിനിടെ 22 തവണയാണ് ഇന്ധനവില വര്‍ധിപ്പിച്ചത്. കഴിഞ്ഞ ഒരു മാസത്തില്‍ ഡീസലിന് 8.47 രൂപയും, പെട്രോളിന് 6.95 രൂപയുമാണ് കൂട്ടിയത്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം