പശ്ചിമ ബംഗാളിൽ ബിജെപിക്ക് നേരിയ മുൻതൂക്കമെന്ന് റിപ്പബ്ലിക്- സി എൻ എക്സ് എക്സിറ്റ് പോൾ. പശ്ചിമ ബംഗാളിൽ 138 മുതല് 148 സീറ്റുവരെ നേടി ബിജെപി സഖ്യം അധികാരത്തില് വരുമെന്ന് എക്സിറ്റ് പോൾ ഫലം പ്രവചിക്കുന്നു. തൃണമൂൽ സഖ്യം 128 മുതല്ഡ 138 സീറ്റുവരെ നേടും. ഇടതു സഖ്യം 11- 21 മുതൽ സീറ്റു നേടുമെന്നും എക്സിറ്റ് പോൾ ഫലം പറയുന്നു. അതേസമയം മറ്റ് എക്സിറ്റ് പോൾ ഫലങ്ങൾ ബംഗാളിൽ തൃണമൂൽ കോണ്ഗ്രസിന് മുൻതൂക്കം പ്രവചിക്കുന്നു.
104-120 സീറ്റുകളുമായി ഇടതുപക്ഷത്തിന്റെ നേതൃത്വത്തിലുള്ള സർക്കാർ കേരളത്തിൽ തുടർഭരണം നേടുമെന്ന് ഇന്ത്യാ ടുഡേ-ആക്സിസ് മൈ ഇന്ത്യ എക്സിറ്റ് പോൾ പ്രവചിക്കുന്നു. കോൺഗ്രസിന്റെ നേതൃത്വത്തിലുള്ള യുഡിഎഫിന് 20-30 സീറ്റുകൾ ലഭിക്കും. എക്സിറ്റ് പോൾ അനുസരിച്ച് എൽഡിഎഫിന്റെ വോട്ട് വിഹിതം 47 ശതമാനവും യുഡിഎഫിന്റേത് 38 ശതമാനവും എൻഡിഎ 12 ശതമാനവുമാണ്.
റിപ്പബ്ലിക് ടിവി എക്സിറ്റ് പോള് സര്വേയില് കേരളത്തില് പിണറായി വിജയന് സര്ക്കാരിന് ഭരണത്തുടര്ച്ചയെന്ന് പ്രവചനം. റിപ്പബ്ലിക്-സിഎന്എക്സ് സര്വേയില് എല്ഡിഎഫ് 72 മുതല് 80 വരെ സീറ്റുകള് നേടുമെന്നാണ് പ്രവചനം. യുഡിഎഫിന് 58 മുതല് 64 വരെ സീറ്റുകളാണ് റിപ്പബ്ലിക് പ്രവചിക്കുന്നത്. എന്ഡിഎ ഒന്ന് മുതല് അഞ്ച് സീറ്റുകള് വരെ നേടും.