ഇന്ത്യയിലെ രത്ന- ആഭരണ വ്യാപാരത്തിന്റെ പുരോഗതിക്ക് നൽകിയ സംഭാവന കണക്കിലെടുത്ത് കല്യാണ് ജൂവലേഴ്സിന് നല്കിയ ആദരവ്. മുംബൈയില് നടന്ന ഇന്ത്യ ഇന്റര്നാഷണല് ജൂവലറി ഷോ പ്രീമിയറിലാണ് ഇന്ത്യന് രത്ന-ആഭരണ വ്യാപാരത്തിന്റെ പുരോഗതിക്ക് നല്കിയ സംഭാവനകള്ക്ക് ഇൻഡസ്ട്രി ലെജന്റ്സ് അവാർഡ് കല്യാണ് ജൂവലേഴ്സ് എക്സിക്യൂട്ടീവ് ഡയറക്ടര് രാജേഷ് കല്യാണരാമന് ഏറ്റുവാങ്ങിയത്. ജെം ആന്ഡ് ജൂവലറി എക്സ്പോര്ട്ട് പ്രമോഷന് കൗണ്സില് സംഘടിപ്പിക്കുന്ന ഇന്ത്യ ഇന്റര്നാഷണല് ജൂവലറി ഷോ പ്രീമിയര് ഈ മേഖലയിലെ ലോകത്തിലെ രണ്ടാമത്തെ വലിയ മേളയാണ്. മുംബൈയിലെ ജിയോ വേള്ഡ് കണ്വെന്ഷന് സെന്ററിലും ബോംബെ എക്സിബിഷന് സെന്ററിലുമായി നടന്ന ജൂവലറി ഷോയില് 50,000 ത്തിലധികം സന്ദര്ശകരെത്തുകയും 70,000 ത്തിലധികം കോടി രൂപയുടെ വ്യാപാരം നടക്കുകയും ചെയ്തു.