അഞ്ച് വര്ഷത്തിന് ശേഷം ഭാവന നായികയാവുന്ന മലയാള സിനിമയാണ് ന്റിക്കാക്കൊരു പ്രേമണ്ടാര്ന്ന്. കഴിഞ്ഞ ദിവസമായിരുന്നു ചിത്രത്തിന്റെ ഷൂട്ടിംഗ് ആരംഭിച്ചത്. സിനിമയുടെ ചിത്രീകരണത്തിന് താന് എത്തിയ വീഡിയോ പങ്കുവെച്ചിരിക്കുകയാണ് ഭാവന.
നവാഗതനായ ആദില് മൈമൂനത്ത് അഷ്റഫാണ് ചിത്രത്തിന്റെ സംവിധായകന്. ബോണ്ഹോമി എന്റര്ടൈന്മെന്റ്സിന്റെ ബാനറില് റെനീഷ് അബ്ദുള്ഖാദറാണ് നിര്മ്മാണം.
ഭാവനയ്ക്കൊപ്പം ഷറഫുദ്ധീന്, അനാര്ക്കലി, നാസര്, അശോകന് എന്നിവര് ചിത്രത്തിലെ മറ്റ് കേന്ദ്രകഥാപാത്രങ്ങളെ അവതരിപ്പിക്കുന്നു. സംവിധായകന് ആദില് മൈമൂനാഥ് അഷ്റഫാണ് തിരക്കഥയും ചിത്രസംയോജനവും നിര്വഹിക്കുന്നത്. തിരക്കഥയില് കൂടെ പ്രവര്ത്തിച്ചട്ടുള്ള വിവേക് ഭരതനാണ് സംഭാഷണം എഴുതിയിരിക്കുന്നത്.
അരുണ് റുഷ്ദി ഛായാഗ്രഹണവും, മിഥുന് ചാലിശ്ശേരി കലാസംവിധാനവും നിര്വ്വഹിക്കുന്നു. പോള് മാത്യൂസ്, നിശാന്ത് രാംടെകെ, ജോക്കര് ബ്ലൂസ് എന്നിവര് ചേര്ന്നാണ് സംഗീതം ഒരുക്കിയിരിക്കുന്നത്. വരികള് എഴുതുന്നത് വിനായക് ശശികുമാറും, ശബ്ദലേഖനവും ക്രിയേറ്റീവ് ഡയറക്ടറും ശബരിദാസ് തോട്ടിങ്കലും, സ്റ്റില്സ് രോഹിത് കെ സുരേഷുമാണ്. ശ്യാം മോഹനും, കിരണ് കേശവുമാണ് എക്സിക്യൂട്ടീവ് പ്രൊഡ്യൂസഴ്സ്.
അമല് ചന്ദ്രന് മേക്കപ്പും മെല്വി ജെ വസ്ത്രാലങ്കാരവും കൈകാര്യം ചെയ്യുന്നു. അലക്സ് ഇ കുര്യന് പ്രൊഡക്ഷന് കണ്ട്രോളറും ഫിലിപ്പ് ഫ്രാന്സിസ് ചീഫ് അസോസിയേറ്റുമാണ്. പബ്ലിസിറ്റി ഡിസൈനുകള് ഡൂഡില്മുനിയും, കാസ്റ്റിംഗ് അബു വലയംകുളവുമാണ് നിര്വഹിച്ചിരിക്കുന്നത്. സ്റ്റോറീസ് സോഷ്യലിന്റെ ബാനറില് മാര്ക്കറ്റിംഗ് ആന്ഡ് കമ്മ്യൂണിക്കേഷന്സ് സംഗീത ജനചന്ദ്രന് കൈകാര്യം ചെയ്യുന്നു.