ഇരുമുടിക്കെട്ട് നിലത്തിട്ടതും ഭക്തരുടെ തലയിലേക്ക് നാളികേരമെറിഞ്ഞതും ഇടതുപക്ഷക്കാരല്ല: എം.സ്വരാജ്
വിശ്വാസമെന്നത് അവര്‍ക്ക് വോട്ട് തേടാനുള്ള സൂത്രം മാത്രം
ഇരുമുടിക്കെട്ട് നിലത്തിട്ടതും ഭക്തരുടെ തലയിലേക്ക് നാളികേരമെറിഞ്ഞതും ഇടതുപക്ഷക്കാരല്ല, വിശ്വാസമെന്നത് അവര്‍ക്ക് വോട്ട് തേടാനുള്ള സൂത്രം മാത്രം: എം.സ്വരാജ്
വിശ്വാസമെന്നത് ബിജെപിക്കും യുഡിഎഫിനും വോട്ട് തേടാനുള്ള സൂത്രം മാത്രമാണെന്ന് തൃപ്പുണിത്തുറ എല്‍ഡിഎഫ് സ്ഥാനാര്‍ത്ഥി എം.സ്വരാജ്. മതം,ദൈവം,വിശ്വാസം എന്നിവയെ തെരഞ്ഞെടുപ്പ് പ്രചരണത്തില്‍ ഉപയോഗിക്കാന്‍ നിയമപരമായി തന്നെ പാടില്ലെന്നിരിക്കെ അത് ഉപയോഗിക്കുന്നവര്‍ ഭാവിയില്‍ മറുപടി പറയേണ്ടി വന്നേക്കാമെന്ന് എം.സ്വരാജ് ദ ക്യു അഭിമുഖത്തില്‍
ശബരിമല നിലവില്‍ ശാന്തമാണ്. ശബരിമലയില്‍ പ്രശ്‌നമില്ലാത്തതിനാല്‍ മനസില്‍ പ്രശ്‌നമായവരെയാണ് ഈ തെരഞ്ഞെടുപ്പില്‍ കാണുന്നത്. ആരാണ് ശബരിമലയെയും വിശ്വാസികളെയും അധിക്ഷേപിച്ചതെന്ന് ചര്‍ച്ച ചെയ്യേണ്ടിവരും. ഇരുമുടിക്കെട്ട് നിലത്തിട്ടത് ഇടതുപക്ഷക്കാരല്ല. പതിനെട്ടാം പടിയില്‍ പുറംതിരിഞ്ഞ് നിന്ന് പ്രതിഷ്ഠയെ അവഹേളിച്ചതും ഇടതുപക്ഷക്കാരല്ല. വിശ്വാസമെന്ന് പറഞ്ഞാല്‍ ബിജെപിക്കും യുഡിഎഫിനും വോട്ട് തേടാനുള്ള സൂത്രം മാത്രമാണ്.
