‘സൂം ആപ്പ് സുരക്ഷിതമല്ല’, ഈ മാര്ഗനിര്ദേശങ്ങള് പിന്തുടരണമെന്ന് കേന്ദ്രസര്ക്കാര്
വീഡിയോ കോണ്ഫറന്സിങ് പ്ലാറ്റ്ഫോമായ സൂം ആപ്പ് സുരക്ഷിതമല്ലെന്ന് കേന്ദസര്ക്കാര്. ലോകത്തെ വന്കിട കമ്പനികള് ഉള്പ്പടെ സൂം ആപ്പിന്റെ ഉപയോഗം നേരത്തെ നിരോധിച്ചിരുന്നു. ഇന്ത്യയുടെ നോഡല് സൈബര് സെക്യൂരിറ്റി ഏജന്സിയായ കമ്പ്യൂട്ടര് എമര്ജന്സി റെസ്പോണ്സ് ടീം ഓഫ് ഇന്ത്യ (സിആര്ടി-ഇന്) ആപ്ലിക്കേഷന്റെ സുരക്ഷയെക്കുറിച്ച് സംശയം പ്രകടിപ്പിച്ചതിനെ തുടര്ന്നാണ് സര്ക്കാരിന്റെ മുന്നറിയിപ്പ്. അപ്ലിക്കേഷന് കാര്യമായ ബലഹീനതകളുണ്ടെന്ന് ഏജന്സി ചൂണ്ടിക്കാട്ടിയിരുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ലോക്ക് ഡൗണ് കാലയളവില് കൂടുതല് പേര് വീട്ടില് നിന്ന് ജോലി ചെയ്യുന്നതിനാല് വീഡിയോ മീറ്റിംഗ് അപ്ലിക്കേഷനായ സൂം ലോകമെമ്പാടും വളരെ പ്രചാരം നേടിയിരുന്നു. മറ്റ് നിരവധി രാജ്യങ്ങളും ആപ്ലിക്കേഷന്റെ സുരക്ഷയെക്കുറിച്ച് ആശങ്ക പ്രകടിപ്പിച്ചിട്ടുണ്ട്. ജര്മ്മനി, സിംഗപ്പൂര്, തായ്വാന് തുടങ്ങിയ രാജ്യങ്ങള് സൂം ആപ്പ് ഉപയോഗിക്കുന്നതില് നിന്ന് ഉപഭോക്താക്കളെ വിലക്കിയിരുന്നു.
സൂം ഒരു സുരക്ഷിത പ്ലാറ്റ്ഫോമല്ലെന്നാണ് മന്ത്രാലയം പുറപ്പെടുവിച്ചിരിക്കുന്ന മുന്നറിയിപ്പില് പറയുന്നത്.പുതിയ അഡ്വസൈറിയില്, സൂം ഉപയോഗിക്കാന് ആഗ്രഹിക്കുന്ന ഉപയോക്താക്കളോട് സുരക്ഷാ ആവശ്യങ്ങള്ക്കായി ചില മാര്ഗനിര്ദ്ദേശങ്ങള് പാലിക്കാന് ആഭ്യന്തര മന്ത്രാലയം ആവശ്യപ്പെട്ടിട്ടുണ്ട്.
സൂം സുരക്ഷിതമായി ഉപയോഗിക്കുന്നതിനായുള്ള മാര്ഗനിര്ദ്ദേശങ്ങള് ഇവയാണ്.
1. ഓരോ മീറ്റിംഗിനും ഒരു പുതിയ ഉപയോക്തൃ ഐഡിയും പാസ്വേര്ഡും സൃഷ്ടിക്കുക.
2. അപ്ലിക്കേഷനില് ഒരു വെയിറ്റിംഗ് റൂം സൃഷ്ടിക്കുക, അതുവഴി ഹോസ്റ്റ് അനുമതി നല്കുമ്പോള് മാത്രമേ ഉപയോക്താവിന് മീറ്റിംഗിലേക്ക് പ്രവേശിക്കാന് കഴിയൂ.
3. ഹോസ്റ്റുചെയ്യുന്നതിനുമുമ്പ് ജോയ്ന് ഫീച്ചര് ഡിസേബിള് ചെയ്യുക.
4. ഹോസ്റ്റിന് മാത്രം സ്ക്രീന് ഷെയറിംഗ് അനുവദിക്കുക.
5. പങ്കെടുക്കുന്നവരെല്ലാം ചേര്ന്നു കഴിയുമ്പോള് മീറ്റിംഗ് ലോക്കുചെയ്യുക.
6. റെക്കോര്ഡിംഗ് സവിശേഷത നിയന്ത്രിക്കുക.
7. നിങ്ങള് ഒരു അഡ്മിനിസ്ട്രേറ്റര് ആണെങ്കില് ഒരു മീറ്റിംഗ് ലീവ് ചെയ്യാതെ അവസാനിപ്പിക്കുക.