യുഎഇയിലെ സാഹിത്യ സാംസ്കാരിക കൂട്ടായ്മയായ അക്ഷരക്കൂട്ടം ഈ വര്ഷത്തെ സാഹിത്യമത്സര വിജയികളെ പ്രഖ്യാപിച്ചു. കഥാമത്സരത്തില് ഇസ്മായില് കൂളത്ത് എഴുതിയ പൊക്കിള് കൊടിയുടെ ഭൂപടം ഒന്നാം സ്ഥാനം നേടി. തോമസ് ദേവസ്യ (അപ്പര്കാലാങ്കിയിലെ സസ്യഭോജികള്), ജിഷ സന്ദീപ് ( പരാജിതന്റെ തീരം) എന്നിവരാണ് യഥാക്രമം രണ്ടും മൂന്നും സ്ഥാനത്ത്.
കവിതാ മത്സരത്തില് ഷിഹാബുദ്ദീന് കുമ്പിടി എഴുതിയ പെട്ടി കെട്ടല് ഒന്നാമതെത്തി. അന്വര് അബൂബക്കര് (മാഞ്ഞുപോകുന്നത്), റസീന കെ.പി (ചുവന്ന മറുക്)എന്നിവര് യഥാക്രമം രണ്ടും മൂന്നും സ്ഥാനങ്ങള് നേടി.
കഥാ മത്സരവിജയികളെ നിധീഷ് ജി, സജ്ന അബ്ദുള്ള, പ്രീതി രഞ്ജിത്, അസി തുടങ്ങിയവരുടെ ജഡ്ജിങ് പാനലും കവിതാ മത്സരവിജയികളെ വീരാന്കുട്ടി, ഇസ്മയില് മേലടി, പി ശിവപ്രസാദ് അടങ്ങുന്ന ജഡ്ജിങ് പാനലുമാണ് തിരഞ്ഞെടുത്തത്.
ക്രാഫ്റ്റിനും ഭാഷയ്ക്കുമപ്പുറം പുതുമയുള്ള പ്രതലങ്ങളെ പുതുമയോടെ, ലളിതമായി അവതരിപ്പിക്കുക എന്നതാണ് കഥയെഴുത്തിനെ സംബന്ധിച്ച് പ്രാധാന്യമുള്ളതെന്ന് കഥാകൃത്ത് നിധീഷ് ജി അഭിപ്രായപ്പെട്ടു. മണ്ണിന്റെ, അന്യമാകലിന്റെ, രാഷ്ട്രീയം വ്യംഗ്യഭംഗിയോടെ പറയുന്ന രചനകള് കവിതകളെ സമ്പുഷ്ടമാക്കുന്നുവെന്ന് കവി വീരാന് കുട്ടി പറഞ്ഞു. വനിത വിനോദ്, ഷാജി ഹനീഫ്, പ്രവീണ് പാലക്കീല്, ഹമീദ് ചങ്ങരംകുളം, റോജിന് പൈനുംമൂട്, ഗിന്റോ എ. പുത്തൂര് എന്നിവര് സംയുക്തമായാണ് വിജയികളെ പ്രഖ്യാപിച്ചത്. പുരസ്കാരങ്ങള് ഷാര്ജ അന്താരാഷ്ട്ര പുസ്തകോത്സവ വേദിയില് വെച്ച് സമ്മാനിക്കുമെന്ന് ഭാരവാഹികള് അറിയിച്ചു