ജ്യൂസ് ശരീരത്തിന് ഹാനികരമാണെന്നും കഴിക്കാന്‍ പാടില്ലെന്നുമുളള മതപ്രഭാഷകൻ റഹ്മത്തുള്ള ഖാസിമി മുത്തേടത്തിന്റെ പ്രസംഗം സോഷ്യല്‍ മീഡിയയില്‍ ചർച്ചയാവുന്നു. ജ്യൂസ് കൊണ്ടുവന്നത് നമ്മുടെ ശത്രുക്കളായ ജുതന്മാരാണെന്നും അതുകൊണ്ട് ജ്യൂസ് കുടിക്കരുതെന്നുമാണ് ഖാസിമി പ്രസംഗത്തില്‍ പറയുന്നത്.
മുക്കം ഖുറാന്‍ സ്റ്റഡി സെന്ററിന്റെ വീഡിയോ ആണ് സമൂഹമാധ്യമങ്ങളിലൂടെ ഇപ്പോൾ പ്രചരിക്കുന്നത്. പള്ളിപ്പടി ഓഡിറ്റോറിയം എടക്കരയില്‍ വെച്ച് നടന്ന പ്രസംഗത്തിനിടയിലെ ഒരു മിനിറ്റ് ദൈർഘ്യമുളള ഭാഗമാണിത്. ഇകെ സുന്നി വിഭാഗം നേതാവും കൂടിയാണ് പ്രഭാഷകൻ റഹ്മത്തുള്ള ഖാസിമി.
വീഡിയോയിൽ പറയുന്നത്:
'ജ്യൂസ് ശരീരത്തിന് ഹാനികരമാണ്. എന്തുകൊണ്ടെന്നാൽ പഴം യാതൊരു കാരണവശാലും വെള്ളത്തോട് യോജിക്കൂല. മാത്രമല്ല 'ജ്യൂസ്' എന്നൊരു വർഗമില്ലേ, അവർ നമ്മുടെ ശത്രുക്കളല്ലേ, ജ്യൂസ് കൊണ്ടുവന്നത് ജൂതന്മാരാണ്. ജ്യൂസ് ലോകത്ത് പണ്ട് ഉണ്ടായിരുന്നില്ല. മിഡിൽ ഈസ്റ്റിൽ ജ്യൂസ് കൊണ്ടുവന്നത് 'ജ്യൂസ്' ആണ്. അതുകൊണ്ട് ജ്യൂസ് കഴിക്കാനേ പാടില്ല.'
