‘കേരളത്തിന്റെ വിദ്യാഭ്യാസ പാരമ്പര്യത്തില്‍ വെള്ളം ചേര്‍ക്കരുത്’; മന്ത്രി ജലീലിന് ഗവര്‍ണറുടെ താക്കീത്

‘കേരളത്തിന്റെ വിദ്യാഭ്യാസ പാരമ്പര്യത്തില്‍ വെള്ളം ചേര്‍ക്കരുത്’; മന്ത്രി ജലീലിന് ഗവര്‍ണറുടെ താക്കീത്

ഉന്നത വിദ്യാഭ്യാസ വകുപ്പ് മന്ത്രി കെ ടി ജലീലിന് താക്കീതുമായി ഗവര്‍ണര്‍ ആരിഫ് മുഹമ്മദ് ഖാന്‍. വിദ്യാഭ്യാസത്തിന്റെ കാര്യത്തില്‍ വലിയ ഖ്യാതിയുള്ള സംസ്ഥാനമാണ് കേരളമെന്നും അതില്‍ വെള്ളം ചേര്‍ക്കരുതെന്നും ഗവര്‍ണര്‍ പറഞ്ഞു. വിദ്യാഭ്യാസ പാരമ്പര്യം നശിപ്പിക്കുന്ന നടപടികള്‍ ആരില്‍ നിന്നുമുണ്ടാകരുത്. അധികാരപരിധിക്ക് പുറത്തുള്ള നടപടിയാണ് എംജി സര്‍വ്വകലാശാല സ്വീകരിച്ചത്. എംജി യൂണിവേഴ്‌സിറ്റി തെറ്റ് തിരിച്ചറിഞ്ഞു. ഡിസംബര്‍ 16ന് വൈസ് ചാന്‍സലര്‍മാരുടെ യോഗം വിളിച്ചിട്ടുണ്ടെന്നും ഗവര്‍ണര്‍ കൂട്ടിച്ചേര്‍ത്തു.

കേരളത്തിന് വിദ്യാഭാസ മേഖലയില്‍ വലിയ കീര്‍ത്തിയുണ്ട്. അത് നാം മുറുകെ പിടിക്കണം. ആ പേരിന് കോട്ടം തട്ടുന്ന തരത്തില്‍ ഒന്നും ചെയ്യാന്‍ ആര്‍ക്കും അവകാശമില്ല.

ആരിഫ് മുഹമ്മദ് ഖാന്‍

ആ ഖ്യാതി നിലനിര്‍ത്താനായി ചെയ്യാവുന്നതിന്റെ പരമാവധി ചെയ്യും. വിദ്യാഭ്യാസമേഖലയേക്കുറിച്ചുള്ള കീര്‍ത്തി മുകളിലേക്കാണ് പോകേണ്ടത് താഴോട്ട് അല്ല. ഇത്രയും മികച്ച സംസ്ഥാനത്ത് എത്താന്‍ കഴിഞ്ഞതില്‍ ദൈവത്തോട് നന്ദി പറയുന്നു. രാഷ്ട്രീയ വ്യത്യാസങ്ങളുണ്ടെങ്കില്‍ പോലും കേരളത്തിലെ ഭരണപക്ഷവും പ്രതിപക്ഷവും പൊതുജനതാല്‍പര്യാര്‍ത്ഥം പ്രവര്‍ത്തിക്കുന്നവരാണെന്നും ഗവര്‍ണര്‍ കൂട്ടിച്ചേര്‍ത്തു.

‘കേരളത്തിന്റെ വിദ്യാഭ്യാസ പാരമ്പര്യത്തില്‍ വെള്ളം ചേര്‍ക്കരുത്’; മന്ത്രി ജലീലിന് ഗവര്‍ണറുടെ താക്കീത്
‘മന്ത്രി അധികാര ദുര്‍വിനിയോഗം നടത്തി’; കെ ടി ജലീലിനെതിരെ ഗവര്‍ണര്‍ക്ക് റിപ്പോര്‍ട്ട്

കെ ടി ജലീല്‍ അധികാര ദുര്‍വിനിയോഗം നടത്തിയെന്ന് ചൂണ്ടിക്കാട്ടി ഗവര്‍ണറുടെ ഓഫീസ് സെക്രട്ടറി അന്വേഷണ റിപ്പോര്‍ട്ട് സമര്‍പ്പിച്ചിരുന്നു. ഗവര്‍ണറുടെ അനുമതിയില്ലാതെ മന്ത്രി സാങ്കേതിക സര്‍വ്വകലാശാല അദാലത്തില്‍ പങ്കെടുത്തത് തെറ്റാണെന്ന് റിപ്പോര്‍ട്ടില്‍ പറയുന്നു. തോറ്റ വിദ്യാര്‍ത്ഥിയുടെ ഉത്തരക്കടലാസ് മൂന്നാമതും മൂല്യനിര്‍ണ്ണയം നടത്താനുള്ള തീരുമാനം വൈസ് ചാന്‍സലര്‍ അംഗീകരിക്കാന്‍ പാടില്ലായിരുന്നു മൂന്നാമത് മൂല്യനിര്‍ണ്ണയം നടത്തിയത് മന്ത്രി ഇടപെട്ടാണെന്നും ഇത് അധികാര ദുര്‍വിനിയോഗമാണെന്നും റിപ്പോര്‍ട്ടിലുണ്ട്.

‘കേരളത്തിന്റെ വിദ്യാഭ്യാസ പാരമ്പര്യത്തില്‍ വെള്ളം ചേര്‍ക്കരുത്’; മന്ത്രി ജലീലിന് ഗവര്‍ണറുടെ താക്കീത്
ബീഫ് ഫ്രൈയ്ക്ക് മുകളില്‍ വിതറിയത് കാബേജ്; കണ്ണൂരിലെ ഹോട്ടലില്‍ ഉളളിയുടെ പേരില്‍ സംഘട്ടനം

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Related Stories

No stories found.
logo
The Cue
www.thecue.in