സംവിധായകൻ കൊച്ചിയിൽ, ലൊക്കേഷൻ ഓസ്ട്രേലിയ; വിർച്ച്വൽ ഡയറക്ഷനിലൂടെ 'ടൈം' മ്യൂസിക്കൽ കവർ

സംവിധായകൻ കൊച്ചിയിൽ, ലൊക്കേഷൻ ഓസ്ട്രേലിയ; വിർച്ച്വൽ ഡയറക്ഷനിലൂടെ 'ടൈം' മ്യൂസിക്കൽ കവർ

കൊവിഡ് ലോക്ഡൗൺ പ്രതിസന്ധികൾ സിനിമയെയും അനുബന്ധ ചിത്രീകരണങ്ങളേയും വലിയ രീതിയിലാണ് ബാധിച്ചത്. എങ്കിലും പരിമിതികൾക്കുള്ളിൽ നിന്നുകൊണ്ട് ചിത്രീകരിച്ച സിനിമകളും ഷോർട് ഫിലിമുകളും ചെറുവീഡിയോകളും ഇതിനോടകം പ്രേക്ഷകരിലേയ്ക്ക് എത്തിക്കഴിഞ്ഞു. ലോക്ഡൗണിൽ തന്റെ സം​ഗീത ആൽബത്തിലൂടെ വിർച്ച്വൽ ഡയറക്ഷന്റെ സാധ്യത പരിചയപ്പെടുത്തുകയാണ് സംവിധായകൻ നോബിൾ പീറ്റർ. ഓസ്ട്രേലിയിലെ പെർത്തിൽ ചത്രീകരിച്ച 'ടൈം' എന്ന മ്യൂസിക് വീഡിയോ കൊച്ചിയിൽ ഇരുന്നാണ് നോബിൾ നിയന്ത്രിച്ചത്. വീഡിയോ കോൺഫറൻസിങ്ങിലൂടെ തൽസമയം സംവദിച്ചാണ് ഷൂട്ടിങ് പൂർത്തിയാക്കിയതെന്നും നോബിൾ പറയുന്നു.

വിഖ്യാത സം​ഗീത സംവിധായകൻ ഹാൻസ് സിമ്മറിന്റെ 'ഇൻസെപ്ഷനിലെ ​ടൈം' എന്ന സൗണ്ട് ട്രാക്കിനാണ് നോബിൾ ദൃശ്യങ്ങൾ ഒരുക്കിയത്. 'Enter the World of Hans Zimmer' എന്ന പേജിലൂടെ ആയിരുന്നു ഹാൻസ് സിമ്മർ തന്റെ സം​ഗീതത്തിന് കവർ വീഡിയോകൾ ക്ഷണിച്ചത്. ഓസ്ട്രലിയയിലെ പെർത്ത് എന്ന ന​ഗരമാണ് വീഡിയോ ഷൂട്ട് ചെയ്യാനായി സംവിധായൻ തിരഞ്ഞെടുത്തത്. കൊവിഡ് വ്യാപനം മൂലം കേരളത്തിൽ വലിയ രീതിയിലുളള നിയന്ത്രണങ്ങൾ കൊണ്ടുവന്ന സമയമായതുകൊണ്ട് ലൊക്കേഷനിൽ നേരിട്ടുചെന്ന് വീഡിയോ ചെയ്യൽ സാധ്യമായിരുന്നില്ലെന്ന് നോബിൾ പറയുന്നു. 'ഒരു ദിവസമാണ് ഷൂട്ടിങ്ങിനായി ലഭിച്ച സമയം. കൊച്ചിയിൽ ഇരുന്നാണ് കാര്യങ്ങൾ നിയന്ത്രിച്ചത്. വീഡിയോകോൾ വഴി ചിത്രീകരണത്തിൽ ഉടനീളം ടീമിനൊപ്പമുണ്ടായിരുന്നു. കുറച്ചധികം അധ്വാനം വേണ്ടിവന്നെങ്കിലും പറഞ്ഞ സമയത്ത് ഷൂട്ടിങ് പൂർത്തിയാക്കാൻ സാധിച്ചു'. ഇഷ്ട സം​ഗീതസംവിധായകന്റെ സൗണ്ട് ട്രാക്കിന് ദൃശ്യങ്ങൾ ഒരുക്കാൻ സാധിച്ചത് വലിയ നേട്ടമായി കാണുന്നു എന്നും നോബിൾ പറയുന്നു.

സംവിധായകൻ കൊച്ചിയിൽ, ലൊക്കേഷൻ ഓസ്ട്രേലിയ; വിർച്ച്വൽ ഡയറക്ഷനിലൂടെ 'ടൈം' മ്യൂസിക്കൽ കവർ
'Maravairi, An Anthem for the LGBTQ', ഇന്ത്യൻ ശാസ്ത്രീയ സംഗീതത്തിന്റെ പതിവുകളിൽ നിന്ന് മാറി 'മാരവൈരി രമണി'

മിഥുൻ റോയ് മുക്കത്ത് ഛായ​ഗ്രഹണവും ജിബിൻ ജോർജ് എഡിറ്റിം​ഗും നിർവ്വഹിച്ചിരിക്കുന്ന മ്യൂസിക് വീഡിയോയിൽ മില്ലി ഹിഗ്ഗിൻസും, ക്യുരിഗ് ജെൻകിൻസുമാണ് അഭിനേതാക്കൾ. അബിൻ റോയ് ആണ് അസിസ്റ്റന്റ് ക്യാമറമാൻ. സ്റ്റേസി റൂത്ത് മേക്കപ്പും ബിനു റെജി കലാസംവിധാനവും നിർവ്വഹിച്ചിരിക്കുന്നു. സ്റ്റോറിബോർഡ് - കിരൺ വി നാഥ്, ഡിസൈൻ - ശ്രീരാജ് രാജൻ, കളറിസ്റ്റ് - ജിതിൻ ജോർജ്. ഫിലിം നൈറ്റ് സ്റ്റുഡിയോ ആണ് വീഡിയോ നിർമ്മിച്ചിരിക്കുന്നത്.

Summary

Hans Zimmer's 'Time' Musical cover by Noble Peter

Related Stories

The Cue
www.thecue.in