സംസ്ഥാനത്ത് മദ്യവില കുറഞ്ഞേക്കും; വർധിപ്പിച്ച നികുതി നീക്കണമെന്നാവശ്യപ്പെട്ട് ധനവകുപ്പിന് എക്സൈസ് വകുപ്പിന്റെ കത്ത്

സംസ്ഥാനത്ത് മദ്യവില കുറഞ്ഞേക്കും; വർധിപ്പിച്ച നികുതി നീക്കണമെന്നാവശ്യപ്പെട്ട് ധനവകുപ്പിന് എക്സൈസ് വകുപ്പിന്റെ കത്ത്

സംസ്ഥാനത്ത് മദ്യവില കുറഞ്ഞേക്കും. കൊവിഡ് കാലത്ത് വർധിപ്പിച്ച നികുതി നീക്കണമെന്നാവശ്യപ്പെട്ട് എക്സൈസ് വകുപ്പ് ധനവകുപ്പിന് കത്ത് നല്‍കിയിട്ടുണ്ട്. തെരഞ്ഞെടുപ്പ് പെരുമാറ്റചട്ടം നിലവില്‍ വരുന്നതിന് മുമ്പ് ഈ വിഷയത്തിൽ തീരുമാനം ഉണ്ടായേക്കും. കഴിഞ്ഞ ഒരു വര്‍ഷത്തിനിടയില്‍ സംസ്ഥാനത്ത് രണ്ട് തവണയാണ് മദ്യ വില കൂട്ടിയത്.

സംസ്ഥാനത്ത് മദ്യവില കുറഞ്ഞേക്കും; വർധിപ്പിച്ച നികുതി നീക്കണമെന്നാവശ്യപ്പെട്ട് ധനവകുപ്പിന് എക്സൈസ് വകുപ്പിന്റെ കത്ത്
മദ്യത്തിന്റെ വില കൂട്ടും; 7 ശതമാനം വില വര്‍ധനയ്ക്ക് ശുപാര്‍ശയെന്ന് എക്‌സൈസ് മന്ത്രി

കൊവിഡ് കാലത്തെ വരുമാന നഷ്ടം പരിഹരിക്കുന്നതിന് മെയ് മാസത്തില്‍ മദ്യത്തിന്‍റെ എക്സൈസ് നികുതി 35 ശതമാനമായി കൂട്ടിയിരുന്നു. 212 ശതമാനമായിരുന്ന നികുതി 247 ശതമാനമായാണ് ഉയര്‍ത്തിയത്. ജനപ്രിയ ബ്രാന്‍ഡുകള്‍ക്ക് നൂറു രൂപ വരെ വില കൂടിയിരുന്നു. എത്ര നാളത്തേയ്ക്കാണ് അധിക നികുതിയെന്ന് സർക്കാർ വ്യക്തമാക്കിയിരുന്നില്ല.

സംസ്ഥാനത്ത് മദ്യവില കുറഞ്ഞേക്കും; വർധിപ്പിച്ച നികുതി നീക്കണമെന്നാവശ്യപ്പെട്ട് ധനവകുപ്പിന് എക്സൈസ് വകുപ്പിന്റെ കത്ത്
ഒരു അപേക്ഷയില്‍ മൂന്ന് ലിറ്റര്‍ മദ്യം;അപേക്ഷകള്‍ കൂടുതലും റമ്മിനും ബ്രാന്‍ഡിക്കും

മദ്യ നിര്‍മ്മാണത്തിനുള്ള അസംസ്കൃത വസ്തുക്കളുടെ വില വര്‍ദ്ധന കണക്കിലെടുത്ത് അടിസ്ഥാന നിരക്ക് കൂട്ടണമെന്ന് മദ്യ കമ്പനികള്‍ ആവശ്യപ്പെട്ടിരുന്നു. തുടര്‍ന്ന് മദ്യ വിലയുടെ അടിസ്ഥാന നിരക്കില്‍ 7 ശതമാനം വര്‍ദ്ധന അനുവദിച്ച് സര്‍ക്കാര്‍ ഉത്തരവ് ഇറക്കിയിരുന്നു. ഇതോടെ ഫെബ്രുവരി 1 മുതല്‍ മദ്യ വില വീണ്ടും കൂടി. പ്രധാന ബ്രാന്‍ഡുകള്‍ക്ക് ഒരു വര്‍ഷത്തിനിടെ 150 മുതല്‍ 200 രൂപ വരെ വര്‍ദ്ധനയുണ്ടായി.

ഇതേ തുടർന്ന് ബാറുകളില്‍ പാഴ്സല്‍ വില്‍പ്പന ഒഴിവാക്കുകയും ചെയ്തിരുന്നു. മദ്യവില വര്‍ദ്ധന ബാറുകളിലേയും ബെവ്കോ , കണ്‍സ്യൂമര്‍ഫെഡ് ഔട്ലെറ്റുകലിലെ വില്‍പ്പനയേയും ബാധിക്കുന്ന സാഹചര്യത്തിലാണ് അധിക നികുതി വേണ്ടെന്നു വെക്കാനുള്ള നീക്കം ഉണ്ടായിരിക്കുന്നത്. തെരഞ്ഞെടുപ്പ് ആസന്നമായ സാഹചര്യത്തിൽ മദ്യവില കുറയ്ക്കുന്നത് ഗുണം ചെയ്യുമെന്നാണ് സര്‍ക്കാരിന്‍റെ വിലയിരുത്തല്‍. അടുത്ത മന്ത്രിസഭായോഗത്തിലായിരിക്കും അധിക നികുതി കുറയ്ക്കുന്ന കാര്യത്തിൽ തീരുമാനം ഉണ്ടാവുക.

Related Stories

No stories found.
logo
The Cue
www.thecue.in