‘സഖാവ് പിണറായി വിജയന്’ ഒരു നേതാവിന്റെ ജീവിതം സിനിമ ചെയ്താല് ആരുടേതെന്ന ചോദ്യത്തിന് ആഷിക് അബു
എന്നെങ്കിലും ഒരു നേതാവിന്റെ ജീവിതം സിനിമ ചെയ്യണമെന്ന് ആലോചിച്ചാല് ആരെക്കുറിച്ചായിരിക്കുമെന്ന ചോദ്യത്തിന് സഖാവ് പിണറായി വിജയന്റെ ജീവിതമെന്ന് ആഷിക് അബുവിന്റെ മറുപടി ഇന്സ്റ്റഗ്രാമില് ചോദ്യങ്ങള്ക്ക് മറുപടിയായാണ് ആഷിക് അബു പിണറായി വിജയന്റെ ജീവിതം സിനിമ ചെയ്യണമെന്ന ആഗ്രഹം പറഞ്ഞത്.
സംവിധായകന് ആകണമെന്ന് തോന്നിയത് ഏത് സിനിമ കണ്ടപ്പോള് എന്ന ചോദ്യത്തിന് ലൈഫ് ഇസ് ബ്യൂട്ടിഫുള് എന്നും മലയാള സിനിമ നേരിടുന്ന ഏറ്റവും വലിയ ഭീഷണി എന്താണെന്ന ചോദ്യത്തിന് പൈറസി എന്നും ആഷിക് ഉത്തരം നല്കുന്നു. വൈറസ് ടു ആലോചിക്കുന്നുണ്ടോ എന്ന ചോദ്യത്തിന് ഇല്ല എന്നാണ് മറുപടി
സൗബിന് ഷാഹിര്, റിമാ കല്ലിങ്കല് എന്നിവര് കേന്ദ്രകഥാപാത്രങ്ങളാകുന്ന സിനിമയാണ് ആഷിക് അബു അടുത്തതായി ചെയ്യാനിരിക്കുന്നത്. ഗിരീഷ് ഗംഗാധരനാണ് ക്യാമറ. സുഡാനി ഫ്രം നൈജിരിയ എന്ന ചിത്രത്തിന് ശേഷം സക്കറിയ സംവിധാനം ചെയ്ത ഹലാല് ലവ് സ്റ്റോറിയാണ് ആഷിക് അബുവിന്റെ നിര്മ്മാണത്തില് തിയറ്ററുകളില് എത്താനിരിക്കുന്ന സിനിമ.
2020ല് ഷാരൂഖ് ഖാനെ നായകനാക്കി ബോളിവുഡ് ആക്ഷന് ത്രില്ലറും ആഷിക് അബുവിന്റേതായി വരാനിരിക്കുന്നുണ്ട്. ഇതിന്റെ ആലോചനകള്ക്കായി ശ്യാം പുഷ്കരനൊപ്പം ആഷിക് അബു മുംബൈയില് ഷാരൂഖുമായി ചര്ച്ച നടത്തിയിരുന്നു.
സംവിധായന് വി എ ശ്രീകുമാര് കോമ്രേഡ് എന്ന പേരില് പിണറായി വിജയന്റെ ജീവിതം സിനിമ ചെയ്യുന്നുവെന്ന് വാര്ത്തകള് വന്നിരുന്നു.