Film Talks

‘എന്റെ ഏറ്റവും മികച്ച കഥാപാത്രങ്ങളില്‍ ഒന്നായിരിക്കും’, ജയസൂര്യ പറയുന്നു 

വൈവിധ്യതയുള്ള കഥാപാത്രങ്ങളിലെ ഗംഭീര പ്രകടനങ്ങളാണ് അഭിനേതാവ് എന്ന നിലയില്‍ ജയസൂര്യക്ക് സമീപകാലത്ത് തുടര്‍ച്ചയായി കയ്യടി നേടിക്കൊടുത്തത്. അപ്പോത്തിക്കിരിയിലെ സുബിന്‍, ഇയ്യോബിന്റെ പുസ്തകത്തിലെ അങ്കുര്‍ റാവുത്തര്‍, ക്യാപ്റ്റനിലെ വി പി സത്യന്‍, ഞാന്‍ മേരിക്കുട്ടിയിലെ മേരിക്കുട്ടി തുടങ്ങിയ റോളുകള്‍ ജയസൂര്യ നടന്‍ എന്ന നിലയ്ക്ക് നടത്തിയ മുന്നേറ്റവുമായിരുന്നു. ഇപ്പോഴിതാ കരിയറിലെ ഏറ്റവും മികച്ച കഥാപാത്രങ്ങളില്‍ ഒന്നിനെ അവതരിപ്പിച്ച സന്തോഷം ദ ക്യു ഷോ ടൈമില്‍ പങ്കുവയ്ക്കുകയാണ് ജയസൂര്യ. മികച്ച നടനുള്ള സംസ്ഥാന പുരസ്‌കാരം നേടിയ ശേഷം ജയസൂര്യ ക്യാപ്റ്റന്റെ സംവിധായകന്‍ പ്രജേഷ് സെന്നിനൊപ്പം കൈകോര്‍ക്കുന്ന വെള്ളം എന്ന സിനിമയിലെ നായകനെക്കുറിച്ച് പറയുന്നത് ഇങ്ങനെ.

Also Read: ‘രജിതിന് നേരെ മനുഷ്യാവകാശലംഘനം’, ബിഗ് ബോസില്‍ നിയമനടപടി വേണമെന്നാവശ്യപ്പെട്ട് മനുഷ്യാവകാശ കമ്മിഷന് പരാതി 

വെള്ളം എന്ന സിനിമയിലെ മുരളിയെക്കുറിച്ച് ജയസൂര്യ

എന്റെ ലൈഫില്‍ ഞാന്‍ ഇതുവരെ ചെയ്തതില്‍ ഏറ്റവും, എനിക്ക് ഭയങ്കര ഇഷ്ടപ്പെട്ട ഒരു കഥാപാത്രം. വെള്ളം എന്ന സിനിമ കണ്ടാല്‍ മാത്രമേ മനസിലാകൂ. എന്റെ ഏറ്റവും മികച്ച കഥാപാത്രങ്ങളില്‍ ഒന്നായിരിക്കും. ഇവിടെയുള്ള എല്ലാ സാധാരണക്കാര്‍ക്കും ലക്ഷ്വറി ലൈഫില്‍ ജീവിക്കുന്നവര്‍ക്കും കണക്ട് ചെയ്യാനാകുന്ന സിനിമ ആയിരിക്കും.

ദ ക്യു വീഡിയോ പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം

വൈകാരികമായി തന്നെ ഏറെ സ്വാധീനിച്ച കഥാപാത്രമാണ് വെള്ളം എന്ന സിനിമയിലെ മുരളി എന്നും ജയസൂര്യ ദ ക്യു ഷോ ടൈമില്‍.